“Rrjedhjet” e Plakut Mere: Fajin e ka prokurori për mënyrën si u arrestua Meta

22 Tetor 2025, 16:16, Plaku Mere CNA

“Rrjedhjet” e Plakut Mere: Fajin e ka prokurori për

Mero Baze ose siç e quajnë ndryshe Plaku Mere, në pleqërinë e tij të vetmuar vijon të shkruajë budallallëqe.

Në një nga ato editorialet e allasojit të tij, ka sulmuar sërish prokurorët, këtë herë duke marrë si shembull rastin e arrestimit të Ilir Metës.

Roja, mbetja mediatike apo gazetari i familjes së Erion Veliajt, na thotë se fajin për mënyrën e arrestimit të ish-presidentit e ka SPAK-u dhe prokurori.

“Altin Dumani shprehu keqardhjen gjatë raportimit në Kuvend për mënyrën se si u arrestua Ilir Meta një vit më parë, duke ia lënë përgjegjësinë Policisë së Shtetit që kreu ekzekutimin”, shkruan Mero në nisje të shkrimit të tij.

Po ashtu më tej shkruan: "Ndaj, nëse sot dikush duhet t’i kërkojë ndjesë Ilir Metës, janë ata që kanë lëshuar jashtë çdo standardi urdhrin e arrestit dhe ata që e mbajnë ende në burg – jo ai polici në autostradë që kishte vetëm dy mundësi: ose ta linte Ilir Metën të arratisej dhe të mbetej pa punë, ose ta arrestonte dhe të duronte sharjet e tij nga nëna"

“Rrjedhjet” e Plakut Mere: Fajin e ka prokurori për

Kjo nuk është asgjë tjetër veçse një lajthitje e radhës e Mero Bazes. Pasi askush nuk i ka lënë askujt përgjegjësinë për mënyrën se si u arrestua ish-presidenti Ilir Meta.

Mero Baze nuk ka arritur ende të kuptojë se arrestimin nuk e ka bërë prokurori por Policia e Shtetit nën drejtimin e Ilir Prodës.

Këtë e ka pohuar dhe vetë avokati i zotit Meta Ilir Cakrani, i cili është shprehur:

“Që nga momenti kur policia është urdhëruar nga prokuroria për të ekzekutuar vendimin e datës 20 tetor 2024, Policia e Shtetit, si asnjëherë më parë ka mobilizuar forcat e policisë kriminale dhe mënyra se si është organizuar ky operacion ka qenë totalisht represive.

Sikur të kishim të bënim me një bandit apo organizatë terroriste. Policia ka angazhuar struktura të saj të paidentifikuara, si të ishte fjala për ndonjë person të rrezikshëm me precedentë kriminalë, jo për një ish-president”, ka deklaruar më herët avokati i Metës, Kutjim Cakrani.

Avokati i Metës e thotë publikisht: Metën nuk e dhunoi SPAK-u
27 Gusht, 14:52

Po prap për Meron fajin e ka prokurori. Në Shqipërinë dhe Republikën e Mero Bazes fajin e ka prokurori.

Prokurori ngre akuzën, vendimin e jep gjykata, kurse për Meron edhe pse ishte Policia e Shtetit ajo që kreu arrestimin dhe goditi ish-presidentin, një akt që të gjithë e panë me zë dhe me figurë për Meron fajin e kanë prokrurorët dhe gjyqtarët, nuk e ka fajin Policia e Shtetit më në krye Ilir Prodën./ CNA