LEXO PA REKLAMA!

SHKARKO APP

Vettingu që ka (vet)rënë

14 Nëntor 2022, 11:22, Opinione Ylli Manjani

Vettingu që ka (vet)rënë
Në mars 2018, Komisioni i Pavarur i Kualifikimit i lutet me shkrim Kryeministrit dhe drejtorit të SHISH që t'u vënë në dispozicion materialet sekrete që pretendohet se janë kundër gjykatësve dhe prokurorëve që janë në proces vettingu.

Në këtë letër-lutje, KPK shkon më tej kur thotë se "... nuk mund të bazojë vendimmarrjen e tij vetëm mbi konkluzione të DSIK, por vetëm duke verifikuar pretendimet mbi dokumentacion sekret..."

Pra, KPK është zyrtarisht e ndërgjegjshme se nuk mund të ndëshkohet askush pa prova, d.m.th. me thashetheme DSIK-je.

Kjo letër-lutje, e cila nuk është sekret, është bërë publike së fundi nga hakerat e Iranit.

Çfarë ka ndodhur që në 2018 e deri më sot e kemi të qartë fare. KPK dhe KPA (strukturat e Vettingut) i kanë rënë si n'top t'karadakut duke shkarkuar gjykatës me thashethemet e DSIK, strukturë kjo e kontrolluar tërësisht nga Kryeministri.

Fakt është se KPK dhe në vijim KPA, nuk janë bazuar në asnjë kqyrje reale të dokumenteve sekrete në SHISH apo diku tjetër, kur vendosën të këpusin gjykatës e prokurorë thjesht se kështu ka konkluduar DSIK, d.m.th. Kryeministri.

E thonë pastaj se janë "të pavarur"!!!

Qeveria jo vetëm s'u ka dhënë akses në prova, por u ka dhënë konkluzione të gatshme, d.m.th. urdhër për shkarkim gjykatësish e prokurorësh.

Që s'kanë pasur akses në prova është e dukshme sepse asnjë procedurë shqyrtimi e dyanshme në konfidencialitet, siç kërkojnë rregullat procedurale nuk ka ndodhur. Asnjë nga gjykatësit e shkarkuar nuk është njoftuar për shqyrtim të dosjeve sekrete ndaj tyre, siç ka pretenduar DSIK.

Përkundrazi, kanë marrë vendime thjesht se kështu ka thënë DSIK!!

Pra janë shkarkuar mbi bazë thashethemesh e aludimesh, por jo provash zyrtare që krijojnë bindje të fortë vendimmarrëse. (Në letër-lutjen kërkohet pikërisht krijimi i kësaj bindje).

Kjo letër-lutje, e zbuluar tani, është në akt flagrant, ku vettingu vetëdenoncohet si i padrejtë, i pambështetur në fakte dhe tërësisht i varur nga Kryeministri.

Pra Vettingu pranon se ka marrë vendime i pabindur në prova e fakte, por mbi bazë aludimesh!

Më rëndë sesa kaq ka tjetër çfarë të ndodhë! Ajo që kemi parë është thjesht pasojë e vendimmarrjes së urdhëruar nga DSIK, pra Kryeministri.

Të fala shumë andej nga reforma dhe akoma më shumë të fala reformaxhinjve brenda e jashtë! Të gjithë të larguarit nga sistemi me urdhër të DSIK janë legjitimë të kërkojnë rishikimin e vendimmarrjes krejt të varur dhe antikushtetutë!/CNA.al

11:20 Opinione Luçiano Boçi

Erdhi dita!

Dita e shumëpritur erdhi! Është ditë shprese e jete. Ditë ...

Lajmet e fundit nga