E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Grida emocionoi sot vetëm shoqninë e vet

8 Nëntor 2022, 15:24, Opinione Alban Mesi

Grida emocionoi sot vetëm shoqninë e vet

Grida Duma, ish-deputete

Ndërsa të gjithë prisnim që Grida të vriste Pashain, siç dje u njoftua, sot Grida Duma njoftoi largimin nga politika dhe lëshimin e mandatit të deputetit.

Me teatralitetin që e karakterizon, njoftoi gazetarët në një konferencë të jashtëzakonshme dhe u lexoi atyre një hartim të gjatë.

Foli për beteja, por harroi të sqaronte që ishin të gjitha beteja të humbura.

Grida nuk ishte kurrë pjesë e ndonjë ekipi fitues në PD.

E promovuar në politikë nga deriçkat e shokëve të radhës, Grida nuk përfaqësoi dot kurrë asnjeri tjetër.

E kotë të listojmë paragrafet kaps të moralitetit për të cilin foli Grida kur certifikoi lajmin që ajo vetë përhapi ditën e djeshme.

E kotë të mundohemi të analizojnë se cila ish balta që qenkësh hedhur "padrejtësisht" mbi Gridën.

Grida është shembulli tipik i "politikanit" që nuk justifikon dot asgjë.

Grida nuk justifikoi dot kurrë as mënyrën se si hyri në politikë, as se cili ish kontributi mbi të cilin furnizoi karrierën personale, as luksin e veshjeve të ndërruara çdo ditë, as kostot e eventeve personale në akademira pa objekt.

Grida u rrek të justifikonte ikjen.

Grida nuk ka asnjë betejë personale që të mund t'ua listonte sot atyre që u shkruajti e iu drejtua me një fjalim patetik, të shtirur dhe fals.

Grida nuk iku sepse u humbi shpresa demokratëve. Grida është një nga ato që kontribuoi në vrasjen e shpresës.

Grida është pjesë e humbësave recidivë që kanë kapur nga fyti partinë e idealeve të mëdha.

Grida është modeli që duhet refuzuar dhe jo shembulli për t'u imituar.

Grida nuk iku për ideal!

Iku sepse e kuptoi që PD-ja tashmë është lopa së cilës nuk ka çfarë t'i mjelë më.

Modeli "Grida" është model pragmatist që ndjek gjithmonë kontratën me lekun.

Grida ndoqi lekun!

Grida i përket një grupi personazhesh që mandatin e deputetit po e shfrytëzojnë çdo sekondë për qoka shokësh. Kontributi në PD për ta, është shoqnia me ta.

Kështu ndodhi me zgjedhjen e Presidentit! Kështu ndodhi me avokatin e popullit!

Grida dhe shoqnia e Gridës janë specie pa asht politik, pa ideale dhe pa dhimbje të sinqerta.

Modeli "Grida" nuk di të kuptojë çdo të thotë emocioni për fitore të grupit politik, sepse bota e Gridave fillon dhe mbaron te përfitimi personal.

Ndaj grupi të cilit Grida i përkiste dhe i përket, ishin dhe janë dështimi i kauzave të kafeneve ku bëjnë pjesë.

Ndaj Grida "emocionoi" sot vetëm shoqninë e vet. Kjo ishte shfaqja që na u ofrua sot nga Grida dhe shoqnia e Gridës.