LEXO PA REKLAMA!

SHKARKO APP

Edhe luanët plaken!

23 Qershor 2022, 13:31, Opinione Aleko Pollo

Edhe luanët plaken!

Teksa ndiqja mbrëmë koncertin e Janis Parios në Tiranë, m'u kujtua një ngjarje e rreth 30 viteve më parë në Athinë….

Ishin vitet e para të emigracionit, sigurisht të vështira, të lodhshme, me racizëm e mbi të gjitha, kuturu e të pasigurtë për të ardhmen tonë.

Shpeshherë, për të shkuar në apartamentin ku banoja, kaloja afër një prej buzuqeve më madhështore të Athinës në atë kohë. “Diogenis Palace” quhej atëherë dhe me sa di unë ekziston edhe sot, por me një emër tjetër. Në këtë buzuk, në periudha të ndryshme, këndonin këngëtarët më të famshëm e më të talentuar të Greqisë. Sigurisht midis tyre spikaste Parios, i cili në ato vite shkëlqente dhe ishte një “showmen” absolut në Greqi.

Sa herë kaloja afër buzukut, harroja për disa çaste jetën monotone të emigrantit. Shikoja reklamat madhështore me portretin e Janit, që mbulonin të gjitha hapësirat rreth e qark godinës dhe me vezullimin e tyre të joshnin e të tundonin. Jo pak herë fantazia ime më shpinte brenda asaj godine, ç’bëhej vallë aty orët e vona të natës…..

Dhe një ditë durimit i erdhi fundi! Bashkë me mikun tim Kosten (në Tiranë quhej Fredi), ja bëmë “bam”! Vendosëm të shkojmë një natë në buzuk dhe të shikojmë Janin, pavarësisht se xhepi ynë në fillimet e emigracionit,  “ishte i vogël” për të përballuar koston e këtij qejfi. Por siç thoshte greku “στο δι?ολο να π?ει” (në djall le të shkojë).

Mbaj mend që ishim diku në një cep lart te “Diogenis Palace”, më tepër në këmbë se ulur, sigurisht në vendet më të lira. Spektakli na mahniti e na la pa frymë. Kur dolëm, në orët e para të mëngjesit, unë e Kosta ishim më tepër të shushatur e të hutuar, se sa të kënaqur e të lumtur. Në fakt nuk kishim faj, pasi nuk kishim parë ndonjëherë të tilla shfaqje. Nuk ishte vetëm Jani me zërin e tij të magjishëm, por ishin shumë gjëra mahnitëse për ne, akustika, ndriçimi, skenografia, lulet, kërcimet, atmosfera në sallë….çdo gjë!

Edhe luanët plaken!

Dhe ja mbrëme përsëri te Jani, pas shumë vitesh, kësaj radhe jo te “Diogenis Palace”, por te “Pallati Kongreseve”.  Shkova thjeshtë për nostalgji dhe në respekt të këtij artisti legjendar, që ka argëtuar jo vetëm grekët, por edhe shqiptarët e cilindo që e ka dëgjuar, me zërin, muzikën dhe këngët e tij të mrekullueshme. Sigurisht, isha i përgatitur që nuk do të gjeja përsëri Janin e “Diogenis Palace”, pasi tani ai po u afrohet të 80-ave.

Pak humor????

Edhe legjendat plaken! Jani dukej disi i lodhur, mezi tërhiqte këmbët, vokali sigurisht që nuk ishte ai i dikurshmi, nganjëherë e ndiqte ai orkestrën e nganjëherë orkestra atë. Koncerti filloi 50 minuta me vonesë, kishte thashetheme në sallë që Janin e kishte zënë gjumi????

Përpos humorit, publiku shqiptar e duartrokiti dhe e respektoi pa fund artistin e madh. Ai e meriton, na ka argëtuar pa masë me këngët e tij, të pranishme thuajse në çdo festë e dasmë shqiptare. Edhe Jani e ndjeu mirënjohjen e publikut shqiptar, kur ju drejtua me fjalët: “Sonte këtu midis jush, po e ndjej veten njëlloj si në vendin tim, madje edhe më mirë”!

Ευχαριστ? κ?ριε Π?ριος????(Faleminderit zoti Parios)./CNA.al

18:04 Opinione Ilir Levonja

"Jo"-ja e radhës

Edi Rama sapo i doli përpara "jo"-së së radhës së Bash...

19:24 Opinione Luçiano Boçi

Mashtrim me formulë

Mashtrimin Rama e ka shndërruar në formulë. Madje në F...

10:24 Opinione Mitro Çela

Mëkati i gruas?!

MËKATI i GRUAS?! U ul. E trishtuar. Sy bojqiell. Flok...

10:05 Opinione Ditmir Bushati

Luftë dhe shpresë

“Ukrainasit janë të gatshëm të japin jetën për perspek...

Lajmet e fundit nga