LEXO PA REKLAMA!

SHKARKO APP

Autoritetet britanike në alarm: Të rinjtë zgjedhin ndihmat sociale në vend të punës

23 Shkurt 2024, 14:02, Lifestyle CNA
Autoritetet britanike në alarm: Të rinjtë zgjedhin ndihmat
Foto ilustruese

Britania e Madhe rrezikon përshkallëzim në lidhje me shëndetin mendor të të rinjve. Sipas një artikulli të “Daily Mail”, shumë pak njerëz po flasin për problematikat e shëndetit mendor në këtë shtet. 
 
Që nga pandemia dhe izolimet katastrofike që shkaktoi, një prirje alarmante është shfaqur mes moshës 18 deri në 30 vjeç. 
 
Në artikull nënvizohet se personat nga 18 deri në 30 vjeç, janë një grupmoshë gjithnjë e më shumë në kontrollin dëshpërimit dhe varësisë nga shteti i mirëqenies. 

Rreth 481,000 të rinj të moshës 16 deri në 24 janë aktualisht të papunë, faktor që ndikon në shëndetin e tyre mendor.
280,000 të rinj, tani mbështeten në një formë të përfitimit të papunësisë, 50,000 më shumë sesa përpara pandemisë.

Pse të rinjtë britanikë nuk mund të plotësojnë nevojat për vende pune?
 
Çfarë i pengon ata? Përgjigjja qëndron në ato dy fjalë që tani dëgjojmë çdo ditë: "shëndeti mendor". Sipas Zyrës për Statistikat Kombëtare (ONS), një rekord 2.8 milionë britanikë nuk punojnë për shkak të 'sëmundjeve afatgjata', nga të cilët 560,000 janë të moshës 16-34 vjeç.
 
Në një raport që analizon shifrat e ONS, bamirësia e Fondacionit Shëndetësor thotë se përqindja e njerëzve që nuk punojnë për shkak të problemeve të shëndetit mendor është pothuajse dyfishuar në 11 vjet, nga më shumë se gjashtë për qind në 2012 në 12.7 për qind në 2023-shin./CNA

Lajmet e fundit nga