E fundit!

11:12 Kronika

Vrasja e 45-vjeçarit në Shijak/ Kapen pas disa muajsh në arrati dy autorët e dyshuar

Janë arrestuar dy autorët e dyshuar të një vrasje të ndodh...

“Artisti i Popullit” Ndrek Luca, një nga aktorët më të dashur të publikut shqiptar

3 Shtator 2023, 15:45, Kulturë CNA

“Artisti i Popullit” Ndrek Luca, një nga aktorët më

Aktori i mirënjohur shqiptar, Ndrek Luca, ka lindur në 3 shtator të vitit 1927 në Dukagjin.

Familja e tij u shpërngul në Shkodër kur ai ishte në moshë të vogël. E ëma e dërgoi Ndrekën në shkollën e jezuitëve dhe njëkohësisht punonte dhe si ndihmës te fototeka Marubi. Pas shkollës së mesme i doli bursa për aviator në Jugosllavi ku mori bursë në Akademinë e Aviacionit në Beograd (Jugosllavi).

Më 1947 kohë në të cilën marrëdhëniet Shqipëri-Jugosllavi u prishën ai u kthye në Shqipëri ndonëse ishte në vitin e fundit të studimeve.

Pasioni e shtyu që të kërkojë nga organet e kohës që të aktivizohej me Teatrin e Ushtrisë. Në vitin 1950 filloi punë si aktor profesionist në Teatrin Popullor (sot Teatri Kombëtar). Sapo filloi punë së bashku me disa të tjerë u përgatitën nga regjisori rus Kriçko ku studiohej baza e kinematografisë amerikane.

Interpretimi i tij i parë i tij në Teatër më 11 nëntor 1950 ishte roli i Shpend Gjeto Plakut në dramën “Halili dhe Hajria” të Kolë Jakovës. Në karrerrën e Ndrek Lucës numërojmë një galeri të tërë personazhesh me mbi 100 role, që do ta bënin atë një nga aktorët më të dashur të publikut shqiptar.

Këtu mund të përmendim rolin e Xhirit në dramën “Arturo Ui” të Bertold Brehtit, rolin e Jagos në tragjedinë “Otello” i Shekspirit, rolin e Bacës së Gjetajve në dramën “Baca i Gjetajve” të Fadil Krajës, rolin e Lekës në dramën “Toka jonë” të Kolë Jakovës, rolin e Brung Trolit në dramën “Përmbytja e madhe” e Kolë Jakovës e shumë të tjera.

Përveç kontributit të jashtëzakonshëm në Teatër, Ndreku shkroi disa drama që u luajtën në skenë. Por ai dha një kontribut të madh në kinematografinë e sapo krijuar duke luajtur në mbi 30 figura, në film.

Pjesa teatrale më e njohur është “Shtatë Shaljanët” si dhe “Votra e huaj”, të interpretuara në skenën e Teatrit Kombëtar si dhe pjesët “Andra në diell”, “Bardha”, "Histori Irkutase" etj. Ndreka doli në pension në vitin 1987. Ai ishte i martuar me aktoren Mimika Luca.

Ai u nda nga jeta dhe nga familja e tij e dashur në 13 janar të vitit 1993.

Për nder të tij Bashkia e Tiranës në vitin 2005 i ka vënë emrin e tij njërës nga rrugët e kryeqytetit.
Për meritat e tij artistike Ndrek Luca është vlerësuar me titullin e lartë “Artist i Popullit”./ CNA