LEXO PA REKLAMA!

SHKARKO APP

U kap në Berat/ Roli i ish-shefit të policisë në trafikun e drogës, si e ndihmoi grupin Habilaj

11 Gusht 2022, 22:18, Kronika CNA

U kap në Berat/ Roli i ish-shefit të policisë në trafikun e

Sokol Bode, ish-shefi i policisë së Dhërmiut, që ra mbrëmjen e sotme në pranga, është një emër jo pak i lakuar në media.

Gjykata e Posaçme Kundër Krimit të Organizuar dhe Korrupsionit e ka dënuar me 12 vite burg për lidhjet dhe ndihmën që i ka dhënë grupit Habilaj për trafikimin e drogës.

Bode, bashkë me ish-drejtorin e Policisë së Vlorës, Jaeld Çela, si dhe ish-shefin e sektorit të luftës kundër krimit të organizuar, Gjergj Kohila, kanë drejtuar në drejtorinë e Qarkut Vlorë gjatë viteve 2015-2016. Ata akuzohen si të përfshirë në dosjen “Habilaj” për trafikun e kanabisit. Akuza që qëndron mbi këta zyrtarë është ajo e mosveprimit ndaj kultivimit të kanabis sattivës në këtë qark.

U kap në Berat/ Roli i ish-shefit të policisë në trafikun e
Sokol Bode me vëllezërit Habilaj

Në dosjen e Prokurorisë së Krimeve të Rënda thuhej se “Nga hetimet e kryera rezulton se pjesëmarrës të këtij grupi kriminal janë edhe shtetasit Sokol Bode, me detyrë Shef i Stacionit të Policisë Dhërmi, i cili ka mbajtur lidhje duke ju ofruar ndihmë dhe mbështetje anëtarëve të këtij grupi kriminal me qëllim realizimin e trafikimit të narkotikëve nga Shqipëria drejt Italisë”.

Në kohën e publikimit të skandalit, një foto e Sokol Bodes me vëllezërit Florian dhe Moisi Habilaj mori vëmendjen e medias dhe publikut.

Ndonëse ishte shpallur në kërkim prej kohësh, raportohet se ish-shefi i policisë është arrestuar vetëm mbrëmjen e sotme. Ai është duke u transportuar drejt Tiranës dhe pritet të vuajë dënimin./ B.A. – CNA.al

Lajmet e fundit nga