LEXO PA REKLAMA!

SHKARKO APP

Plagosën të riun në Malësi të Madhe, në pranga babë e bir

28 Shtator 2023, 11:22, Kronika CNA
Plagosën të riun në Malësi të Madhe, në pranga
Foto nga operacioni

Policia e Shkodrës ka arrestuar babë e bir, I. B., 59 vjeç dhe S. B., 18 vjeç, pasi akuzohen se kanë plagosur me armë zjarri 28-vjeçarin me iniciale E. G. në Malësinë e Madhe. Ky i fundit ndodhet në spital jashtë rrezikut për jetën. 

Njoftimi i Policisë: 

Vihen në pranga 2 shtetas (babë e bir) që dyshohet se plagosën me armë zjarri 28-vjeçarin, gjatë konfliktit mes tyre, mbrëmjen e djeshme, në fshatin Demiraj.

Shërbimet e Komiariatit të Policisë Malësi e Madhe, në vijim të veprimeve hetimore për zbardhjen e rrethanave të konfliktit të ndodhur mbrëmjen e djeshme, në fshatin Demiraj, arrestuan në flagrancë shtetasit I. B., 59 vjeç dhe S. B., 18 vjeç (babë e bir), banues në fshatin Demiraj, Malësi e Madhe.

Nga veprimet hetimore dyshohet se këta shtetas, gjatë konfliktit për motive të dobëta, kanë plagosur me armë zjarri pistoletë, shtetasin E. G., 28 vjeç, banues në fshatin Demiraj, Malësi e Madhe, i cili ndodhet në spital, jashtë rrezikut për jetën.

Materialet procedurale do t’i kalojnë Prokurorisë, për veprime të mëtejshme.

Lajmet e fundit nga