LEXO PA REKLAMA!

SHKARKO APP

Përdornin lavazhin për të shitur drogë/ Arrestohen dy persona

23 Maj 2023, 11:03, Kronika CNA

Përdornin lavazhin për të shitur drogë/ Arrestohen dy

Në Burrel janë arrestuar dy persona pasi kanë përshtatur lavazhin e marrë me qira për të shitur drogë.

Sipas uniformave blu, në pranga ka rënë shtetasi L. H., 32 vjeç, dhe shtetasi J. P., 39 vjeç.

Gjithashtu, nisi procedimi në gjendje të lirë për shtetasin Y. N., banues në Burrel, pronari i lavazhit.

Gjatë kontrollit fizik ndaj shtetasit L. H. dhe kontrollit në ambientet e lavazhit që ai kishte marrë me qira, shërbimet e Policisë gjetën dhjetëra doza kanabisi, një sasi kanabisi gati për paketim dhe doza kokaine, të cilat u sekuestruan në cilësinë e provës materiale.

Gjithashtu, gjatë kontrollit në ambientet e lavazhit, Policia gjeti dhe sekuestroi edhe 10 targa automjetesh shqiptare dhe të huaja, që dyshohet se shtetasi L. H. i përdorte për automjete të ndryshme, me qëllim që të kamuflonte veprimtarinë kriminale, fishekë për armë gjahu, si dhe një pushkë sportive që i përkiste pronarit të lavazhit, shtetasit Y. N.

Materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme./ CNA.al

Lajmet e fundit nga