LEXO PA REKLAMA!

SHKARKO APP

Bllokohet gomonja në Vlorë/ Gjobitet me 10,000 lekë të rinj drejtuesi i mjetit lundrues

21 Maj 2023, 12:06, Kronika CNA
Bllokohet gomonja në Vlorë/ Gjobitet me 10,000 lekë të rinj
Foto ilustruese

Policia Kufitare DVKM Vlorë nëpërmjet një njoftimi zyrtar, ka bërë me dije bllokimin e një gomoneje si pasojë e mungesës së domentacionit përkatës nga ana e drejtuesit.

Drejtuesi i mjetit lundrues është sanksionuar me një gjobë prej 10 000 lekë të rinj nga Policia për mungesë dokumentacioni dhe jo vetëm, pasi akuzohet për vënien në rrezik të jetës së personave që ndodheshin në bordin e gomones.

Shërbimet e Policisë Kufitare të DVKM Vlorë, në zbatim të planit të masave për forcimin e kontrolleve në det dhe në tokë, ndaj mjeteve lundruese për peshkim dhe atyre turistike, me qëllim zbatimin e ligjshmërisë nga poseduesit dhe përdoruesit e këtyre mjeteve lundruese, kanë intensifikuar kontrollet në vendbazime të mjeteve lundruese në tokë, si dhe në det, ndaj mjeteve lundruese turistike.

Është ushtruar kontroll me mjetet lundruese të Policisë Kufitare në sektorët: Triport - Kepi i Gjuhëzës, Shën Jan - Shën Vasil, brenda gjirit të Vlorës, ku janë kontrolluar 12 mjete lundrimi për peshkim, 28 mjete lundurimi për argëtim, si dhe 19 mjete lundrimi turistike.

Policia Kufitare ka ndëshkuar me masë administrative 10 000 lekë të rinj, drejtuesin e një mjeti lundrues gomone e vogël (shtetas kosovar), pasi gjatë verifikimeve ka rezultuar se kishte mungesë të dokumentacionit, si dhe kishte udhëtuar me mjetin lundrues gomone me motorr 8 KF, në Karaburun, duke rrezikuar jetën e personave në bord.

Po në vijim të këtyre kontrolleve, është bllokuar një mjet lundrues argëtimi, pasi përdoruesi i tij nuk dispononte dokumentacionin përkatës.

Kontrollet do të intensifikohen më shumë në ditët në vijim, me qëllim rritjen e sigurisë detare  dhe në këtë kuadër Policia Kufitare e DVKM Vlorë kërkon mirëkuptimin dhe bashkëpunimin e përdoruesve të mjeteve lundruese, për zbatimin e ligjshmërisë nga ana e tyre.

Gjithashtu, Policia Kufitare është e vendosur në zbatimin me korrektësi të ligjit dhe ndëshkimin shkelësve të ligjit, përdorues të mjeteve lundruese”, njofton policia./ CNA.al

Lajmet e fundit nga