web counter
LEXO PA REKLAMA!

SHKARKO APP

App Store
Google Play

E fundit!

x

Nuk deklaroi shumën mbi 44 mijë euro/ Procedohet 54-vjeçari në Kakavijë

25 Mars 2023, 13:59, Kronika CNA
Nuk deklaroi shumën mbi 44 mijë euro/ Procedohet 54-vjeçari
Foto ilustruese

Policia kufitare  e Kakavijës ka proceduar një shtetas pasi nuk deklaroi shumën e parave që kishte me vete.

Efektivët bëjnë me dije se ishte një shumë materiale prej 44 750 euro, të cilat  u gjetën në çantën e 54-vjeçarit dhe u sekuestruan.

Njoftimi i plotë i policisë:

Udhëtonte në drejtim të Greqisë dhe nuk deklaroi shumën e eurove në doganë, procedohet penalisht 54-vjeçari.  Sekuestrohen në cilësinë e provës materiale 44 750 euro që u gjetën në çantën e 54-vjeçarit.

Shërbimet e Policisë Kufitare kanë intensifikuar kontrollet me qëllim parandalimin, evidentimin dhe goditjen e krimeve ndërkufitare. Si rezultat i kontrolleve të shtuara, bazuar dhe në analizën e riskut, në dalje të RSH-së, shërbimet e Policisë Kufitare, gjatë kontrollit të ushtruar në vijën e dytë, në çantën e shtetasit Dh. P., gjetën 44 750 euro, të cilat u sekuestruan në cilësinë e provës materiale. Ky shtetas nuk e kishte deklaruar këtë shumë parash, sipas përcaktimeve ligjore në fuqi.

Në përfundim të veprimeve, strukturat hetimore të DVP Gjirokastër referuan materialet në Prokurori dhe nisi procedimi në gjendje të lirë për shtetasin Dh. P., 54 vjeç, banues në fshatin Dhuvjan, Gjirokastër, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”. Materialet i kaluan Prokurorisë, për veprime të mëtejshme./CNA





Lajmet e fundit nga