LEXO PA REKLAMA!

SHKARKO APP

App Store
Google Play

E fundit!

x

Paralajmëron Ngjela/ Dumani po lëviz më shpejt, SPAK do bëjë goditje të mëdha

22 Mars 2023, 19:49, Kronika CNA
Paralajmëron Ngjela/ Dumani po lëviz më shpejt, SPAK do
Avokati Spartak Ngjela

Avokati Spartak Ngjela ka bërë një paralajmërim të fortë ditën e sotme, teksa ka folur për punën e SPAK në lidhje me korrupsionin.

Ngjela tha në Euronews Albania se SPAK do të bëjë goditje të mëdha dhe për këtë shprehu siguri.

“Si po ecën Antikorrupsioni? Jo me ndonjë zhvillim, por do vijë koha që do ketë goditje të mëdha. Jam i sigurt sepse nuk ju intereson as Uashingtonit dhe as BE-së që të shkojë Shqipëria nga Rusia. Kjo është loja ta dini. E kanë thënë vetë ata. Konflikti më i madh i Amerikës me Rusinë është me Ballkanin Perëndimor”, deklaroi ai.

Avokati nuk dha një përgjigje nëse këto goditje do ndodhin para apo pas zgjedhjeve, por pa me optimizëm punën e kreut të SPAK, Altin Dumani.

“Kryeprokurori i SPAK, që ka ardhur tani, Dumani e shoh që lëviz më mirë, më shpejt dhe më saktë se ata tjerët, por se deri ku do të shkojmë do ta shohim. Por mos mendoni se është aq e lehtë të godasësh krimin e organizuar dhe korrupsionin në Shqipëri, sepse korrupsioni është i bashkuar me krimin e organizuar këtu”, theksoi Ngjela./ CNA

Lajmet e fundit nga