LEXO PA REKLAMA!

SHKARKO APP

App Store
Google Play

E fundit!

x

U dhunua brutalisht në burgun grek/ Shqiptari: Policët i kanë ushtruar presion edhe gruas sime

22 Mars 2023, 16:59, Kronika CNA
U dhunua brutalisht në burgun grek/ Shqiptari: Policët i kanë
Shqiptari i dënuar në Selanik, Saimir Zefi

Shqiptari i dënuar në Selanik, Saimir Zefi është dhunuar nga 4 efektivë grekë pasi ka kërkuar të drejtën për tu paraqitur në gjykatë për drejtësi, ndërkohë policët pas dhunës së ushtruar u lanë të lirë pas dy ditësh.

Shqiptari u shpreh se vëllai i njërit prej policëve që e kishin dhunuar i kishte ushtruar presion edhe bashkëshortes së tij greke.

Gjatë një interviste me Odeta Dume, Zefi tha se ka frikë për jetën e tij, pasi policët e kanë dhunuar prej muajsh.

Pjesë nga intervista:

Saimir Zefi: Përshëndetje!
Odeta Dume: Si je me shëndet?
Saimir Zefi: Jam pak më mirë kohët e fundit
Odeta Dume: Jemi tronditur të gjithë kur mësuam nga mediat greke që je dhunuar në mënyrë barbare, thjesht pse ke kërkuar të drejtën për t’u paraqitur në gjykatë.
Saimir Zefi: Po, ashtu është e vërteta. Kishim një gjyq më datë 02.03.2023. Burgu i Koridhalo më çoi në Kavallë për gjyqin edhe nga burgu u bë transferta normale, kurse në Kavallë më çuan në datë 3, një ditë pas gjyqit…
Odeta Dume: Saimir shikoj që ke probleme të pjesa e qafës, kaq shumë të paskan dhunuar?!
Saimir Zefi: Kam me qafën shumë problem, por kam dhe dorën dhe këmbën akoma, se jam keq, se i kam pasur prangat shumë të shtrënguar
Odeta Dume: Si nisi dhuna nga këta policët grekë të cilët të dhunuan edhe para nënës dhe babait?
Saimir Zefi: Ky gjest nisi vjet në nëntor, se u zura me një polic në Kavallë, nisi si punë hakmarrje nga njeri-tjetri. Sivjet vazhdoi historia sërish, kur shkova në Kavallë. U bë çfarë u bë, kaloi. Kam javën tjetër gjyq atje në Kavallë dhe kam frikë shumë aty për jetën, për punën e familjes, kam nusen greke. Vëllai i atij policit i ka bërë presion nuses sime dhe gjërat janë shumë keq. Po mos të ishte drejtoresha e burgut do isha i vdekur sot./CNA

Lajmet e fundit nga