LEXO PA REKLAMA!

SHKARKO APP

App Store
Google Play

Po transportonte steka me cigare kontrabandë/ Policia vë në pranga 36-vjeçarin

24 Mars 2023, 17:42, Kronika CNA

Po transportonte steka me cigare kontrabandë/ Policia vë në

Policia e Korçës ka goditur një tjetër rast të kontrabandës së mallrave ku janë sekuestruar 30 steka me cigare.

Bëhet me dije se shtetasi me iniciale A.Y, 36-vjeç banues në Devoll të Bilishtit po transportonte steka me cigare të kontrabanduara, me qëllim shitjen në dyqanin e tij.

Pas kontrollit të policisë në biznesin e tij, janë gjetur paketa të tjera me cigare, për të cilat ky shtetas nuk kishte fatura tatimore.

Njoftim i plotë i policisë:

Devoll/Goditet një rast tjetër i kontrabandës së mallrave për të cilat paguhet akcizë.

Transportonte steka me cigare të kontrabanduara, me qëllim shitjen në dyqanin e tij, kapet në flagrancë dhe vihet në pranga 36-vjeçari.

Sekuestrohen dhjetëra steka me cigare të dyshuara të kontrabanduara.

Strukturat hetimore të DVP Korçë, në bashkëpunim me shërbimet e Komisariatit të Policisë Devoll, si rezultat i kontrolleve për parandalimin, evidentimin dhe goditjen e paligjshmërive në fushën e krimeve ekonomiko-financiare, kanë konstatuar një rast të kontrabandimit të cigareve, me qëllim shitjen, për të cilin u arrestua në flangracë shtetasi:

-A. Y., 36 vjeç, banues në Bilisht, Devoll.

Në Bilisht, shërbimet e Policisë kanë ndaluar për kontroll automjetin që drejtonte 36-vjeçari, ku kanë gjetur 30 steka me cigare të markave të ndryshme, të dyshuara të kontrabanduara. Në vijim, është ushtruar kontroll edhe në dyqanin e shtetasit A. Y., ku gjithashtu janë gjetur paketa të tjera me cigare, për të cilat ky shtetas nuk kishte fatura tatimore.

Stekat me cigare u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë Korçë, për veprime të mëtejshme./CNA

Lajmet e fundit nga