LEXO PA REKLAMA!

SHKARKO APP

App Store
Google Play

Raportimi për të shtëna/ Policia: Nuk u qëllua me armë, u aksidentuan dy “Audi”

24 Mars 2023, 21:26, Kronika CNA
Raportimi për të shtëna/ Policia: Nuk u qëllua me armë,
Foto nga vendngjarja

Mbrëmjen e sotme u raportua në media se ka pasur të shtëna me armë drejt një automjeti, ku shoferi kishte manovruar plumbat dhe isjhte përplasur me një makinë tjetër.

Për këtë ngjarje ka reaguar pak më parë policia e Lezhës, e cila deklaron se nuk është qëlluar me armë zjarri.

Blutë njoftojnë se janë aksidentuar dy automjete tip “Audi A6” dhe “Audi Q5" dhe fatmirësisht nuk ka të lënduar.

Njoftimi i policisë:

Në lidhje me një lajm të publikuar në media, sipas të cilit pretendohet se në aksin rrugor Tiranë-Lezhë është qëlluar me armë zjarri në drejtim të një automjeti në lëvizje, ju sqarojmë se:

Rreth orës 16:20, në aksin rrugor Tiranë-Lezhë, në Ishull Lezhë, janë aksidentuar automjeti tip “Audi A6” me drejtues shtetasin M. K., 36 vjeç, banues në Lezhë me automjetin tip “Audi Q5"me drejtues shtetasin K. Gj., 24 vjeç, banues në Lezhë, me pasoja vetëm dëme materiale.

Shërbimet e Policisë Rrugore po kryejnë veprimet administrative për trajtimin e ngjarjes rrugore si aksident me dëme materiale.

Të dy drejtuesit e automjeteve, së bashku me pasagjerët në këto automjete, ndodhen të shoqëruar në ambientet e Komisariatit të Policisë Lezhë, për sqarimin e plotë të rrethanave të aksidentit.

Deri më tani nga veprimet hetimore tonat nuk ka asnjë faktim që ka patur të shtëna me armë apo qëllim me armë. Po trajtohet vetëm aksidenti./ CNA

Lajmet e fundit nga