LEXO PA REKLAMA!

SHKARKO APP

Mina, automatikë, qindra fishekë dhe krehra armësh/ Çfarë sekuestroi policia në Vlorë

12 Shkurt 2024, 17:21, Kronika CNA

Mina, automatikë, qindra fishekë dhe krehra armësh/

Policia ka nxjerrë detaje në lidhje me depon e armëve të zbuluar këtë të hënë në Vlorë.

Blutë bëjnë me dije se janë sekuestruar 1 minë me telekomandë, 4 automatikë (njëri prej tyre me silenciator), 1 pistoletë, 1 armë zjarri imituese, 12 krehra armësh, rreth 800 fishekë, 1 jelek antiplumb, 1 peshore elektronike dhe 1 palë targa automjeti.

Për arsenalin e armëve është arrestuar 31-vjeçari Gj. D, i cili rezulton si person me precedentë të mëparshëm penalë në fushën e narkotikëve.

Policia deklaron se me këto armë mund të kryheshin ngjarje të rënda kriminale.

Njoftimi i plotë:

Ndërhyrja e menjëhershme e Policisë, e bazuar në inteligjencën policore, parandalon ngjarje të rënda kriminale që mund të kryeshin me armë zjarri dhe mina me telekomandë.

Finalizohet operacioni policor i koduar “Knock Out 4”, i zhvilluar nga Komisariati i Policisë Vlorë dhe strukturat operacionale të Drejtorisë Vendore të Policisë Vlorë.

Sekuestrohen 1 minë me telekomandë, 4 armë zjarri automatik (njëri prej tyre me silenciator), 1 armë zjarri pistoletë, 1 armë zjarri imituese, 12 krehra armësh, rreth 800 fishekë, 1 jelek antiplumb, 1 peshore elektronike dhe 1 palë targa automjeti.

Vihet në pranga 31-vjeçari që posedonte arsenalin e armëve.

I arrestuari, me precedent të mëparshëm penal në fushën e narkotikëve.

Armët e zjarrit do të dërgohen në Institutin e Policisë Shkencore, për ekzaminime të mëtejshme, për të parë nëse janë përdorur në ngjarje kriminale të ndodhura më parë.

Shërbimet e Komisariatit të Policisë Vlorë dhe të DVP Vlorë, në vijim të punës për garantimin e sundimit të ligjit në territor dhe goditjen e veprimtarive kriminale në fushën e mbajtjes pa leje të armëve dhe vënien përpara përgjegjësisë penale, të shtetasve që i disponojnë ato, pas informacionit të siguruar përmes inteligjencës policore se në lagjen “Isa Boletini”, një shtetas posedonte armë zjarri, në një ambient në pronësi të tij, kanë organizuar dhe finalizuar operacionin policor të koduar “Knock Out 4", si rezultat i të cilit u vu në pranga shtetasi:

- Gj. D., 31 vjeç, banues në Vlorë.

Gjatë kontrollit në ambientin në përdorim të 31-vjeçarit (i njohur me nofkën “Zoto”) dhe kontrollit në banesën e tij, shërbimet e Policisë kanë gjetur dhe sekuestruar 1 minë me telekomandë, 4 armë zjarri automatik (njëri prej tyre me silenciator), 1 armë zjarri pistoletë, 1 armë zjarri imituese, 12 krehra armësh, rreth 800 fishekë, 1 jelek antiplumb, 1 peshore elektronike dhe 1 palë targa automjeti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./ CNA



Lajmet e fundit nga