web counter
LEXO PA REKLAMA!

SHKARKO APP

App Store
Google Play

E fundit!

x

Manovra të rrezikshme në Shëngjin/ Policia reagon pas videos me jet-ski: S'është aktuale

4 Gusht 2022, 16:51, Kronika CNA
Manovra të rrezikshme në Shëngjin/ Policia reagon pas videos me
Foto ilustruese

Policia kufitare ka reaguar pas videos së bërë publike në media ditën e sotme në plazhin e Shëngjinit ku shihet një “Jet Ski” e cila për pak i merr jetën një qytetari që po notonte në det.

Sipas policisë kjo video ka disa vite që është bërë, ndërsa shton se publikimi i tyre në media ka si qëllim që të nxisë reagimin e qytetarëve pas ngjarjes së rëndë të ndodhur në Himarë.

Reagim i Policisë Kufitare Shëngjin

Në lidhje me një video të publikuar në rrjetet sociale, në të cilën shfaqet një person, me një mjet lundrues "Jet ski", në det, në Shëngjin, duke kryer manovra që rrezikojnë jetën e një qytetari që po notonte, ju informojmë se:

Pamjet që shfaqen në video nuk janë aktuale të këtij sezoni veror, por të disa viteve më parë. Aktualisht, në vendin që shfaqet në video, ndodhet një objekt i ndërtuar para disa viteve.

Nisur nga publikimet e fundit në portale, të cilat nuk janë pamje aktuale, por që u dërgohen me tendencë portaleve për publikim, me qëllim nxitjen e reagimit qytetar, Policia e Shtetit apelon për çdo portal dhe media vizive e të shkruar, që të mos publikojnë video ose lajme të pakonfirmuara, por të marrin informacion të saktë pranë strukturave përgjegjëse në Policinë e Shtetit.





Lajmet e fundit nga