LEXO PA REKLAMA!

SHKARKO APP

Dhunoi gazetaren e emisionit investigativ/ Pranga 62-vjeçarit nga Devolli

4 Gusht 2022, 15:59, Kronika CNA
Dhunoi gazetaren e emisionit investigativ/ Pranga 62-vjeçarit nga Devolli
Foto ilustruese

Një 62-vjeçar nga Devolli është vënë në prangat e policisë, pasi akuzohet se ka ushtruar dhunë fizike ndaj vajzës së tij si dhe ka goditur gazetaren e emisionit investigativ gjatë ushtrimit të detyrës.

Specialistët për hetimin e krimeve në komisariatin e policisë Devoll bënë arrestimin në flagrancë të shtetasit L. J., 62 vjeç, banues në fshatin Ponçarë, Devoll, për veprat penale “Dhuna në familje” dhe “Dëmtime të tjera me dashje”.

Shtetasi i mësipërm, ditën e djeshme, në fshatin Ponçarë, Devoll, ka ushtruar dhunë fizike ndaj vajzës së tij, shtetases G. Ç., 33 vjeçe, si edhe ka goditur gjatë detyrës shtetasen M. M., 32 vjeçe, banuese në Tiranë, me detyrë gazetare, e cila do të realizonte një kronikë me shtetasen G. Ç., për një emision investigativ.

Materialet në ngarkim të tij i kaluan Prokurorisë pranë Gjykatës së Shkallës së Parë Korçë, për veprime të mëtejshme./CNA.al

Lajmet e fundit nga