Konferenca e Kryetarëve do të zhvillojë të enjten mbledhje...
Policia, në kaos/ Vdes dhe "ringjall" një person
4 Gusht 2022, 14:59, KronikaCNA
Pamje nga aksidenti te "Bishti i Zhurit"
Një aksident i rëndë u regjistrua ditën e sotme në vendin e quajtur “Bishti i Zhurit”, ku një makinë tip “Benz” është përplasur me një kamion.
Si fillim në bazë të informacioneve paraprake të mediave me titra u bë me dije se nga aksidenti ka pasur një viktimë, që ishte drejtuesi i mjetit "Benz".
Ndërsa në njoftimin, më herët, nga policia, u bë me dije se dyshohet se në aksident kishin humbur jetën dy persona.
“Më datë 04.08.2022, në vendin e quajtur 'Bishti i Zhurit', një mjet kamion me drejtues shtetasin I. C., është përplasur me një mjet tip 'Benz' me drejtues ende të paidentifikuar.Si pasojë e aksidentit, dyshohet se mund të kenë humbur jetën dy persona. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhej në njoftim.
Në njoftimin e fundit, thuhet se, si pasojë e aksidentit ka humbur jetën drejtuesi i mjetit tip "Benz", ndërsa me sa duket nuk ka pasur një viktimë të dytë, ashtu sikurse raportohej në njoftimin e mëparshëm, ndonëse në kuadër të dyshimeve.
“Në lidhje me aksidentin e ndodhur ditën e sotme, në vendin e quajtur 'Bishti i Zhurit', ku mjeti kamion me drejtues shtetasin I. C. u përplas me mjetin tip 'Benz' me drejtues shtetasin F. M., 27 vjeç, ju informojmë se si pasojë e aksidentit drejtuesi i mjetit tip 'Benz' ka humbur jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftimin e fundit nga policia./ CNA.al
