LEXO PA REKLAMA!

SHKARKO APP

E fundit!

x

Parandalohet krimi në familje/ 29-vjeçari tenton të vrasë babain e tij

4 Gusht 2022, 10:32, Kronika CNA
Parandalohet krimi në familje/ 29-vjeçari tenton të vrasë
Foto ilustruese

Një krim në familje është parandaluar në Cërrik, në fshatin Klos.

Një 29 vjeçar, që sipas njfotimit të policisë, vuan nga probleme të shëndetit mendor, teksa konfliktohej me babain e tij, e ka goditur me kosore.

56 vjeçari ndodhet jashtë rrezikut për jetën ndërsa 29 vjeçari është arrestuar nga policia.

Tentoi të vriste me mjet prerës (kosore) babanë e tij, vihet në pranga 29-vjeçari.  

Shërbimet e Komisariatit të Policisë Cërrik, pasi kanë marrë njoftim ditën e djeshme, se në fshatin Klos, Cërrik, shtetasi B. Sh. po konfliktohej me babanë e tij, menjëherë kanë organizuar punën dhe falë ndërhyrjes së shpejtë kanë parandaluar përshkallëzimin e konfliktit që mund të kishte pasoja të rënda. 

Falë ndërhyrjes në kohë, shërbimet e Policisë kanë kapur shtetasin B. Sh., 29 vjeç (me probleme të shëndetit mendor), i cili ka dhunuar fizikisht dhe ka goditur me mjet bujqësor (kosore) babanë e tij, shtetasin R. Sh., 56 vjeç, i cili ndodhet jashtë rrezikut për jetën.

Në përfundim të veprimeve, nga specialistët për Hetimin e Krimeve në Komisariatin e Policisë Cërrik u arrestua në flagrancë, për veprën penale "Vrasja për shkak të marrëdhënieve familjare", mbetur në tentativë, shtetasi B. Sh., 29 vjeç, banues në fshatin Klos, Cërrik”, njofton policia./ CNA.al

Lajmet e fundit nga