web counter
LEXO PA REKLAMA!

SHKARKO APP

App Store
Google Play

E fundit!

x

Si u vra e mitura nga oficeri i Policisë/ 20 dëshmitarë rrëfejnë detaje tronditëse

3 Gusht 2022, 09:02, Kronika CNA

Si u vra e mitura nga oficeri i Policisë/ 20 dëshmitarë

Mbi 20 persona janë pyetur nga policia e Vlorës në lidhje vrasjen e 7-vjeçares nga oficeri i Policisë një ditë më parë, në plazhin e Potamit.

Të traumatizuar, kanë dëshmuar edhe familjarët e viktimës, të cilët kanë treguar tmerrin që panë me sy.

Dëshmitarët okularë që kanë qenë në vendngjarje kanë dhënë detaje tronditëse.

Pas pamjeve që qarkullun në rrjete sociale ku oficeri i policisë pasi vrau 7-vjeçaren, kërcënonte familjarët, dëshmitarët kanë treguar se autori i krimit ka tentuar të ikë nga vendi i ngjarjes.

Në dëshmitë e tyre në komisariat, siç raportohet në media, thuhet se Arjan Tase në momentet e para të krimit nuk ka shfaqur pendesë për çka bëri, gjë që dukej edhe në video, por ka kundërshtuar me fjalë, familjarët të cilët nuk mund as t’i jepnin ndihmën e parë vajzës së tyre.

Më tej dëshmitarët okularë kanë treguar se trupi i së miturës për pak momente ka ndenjur në ujë pasi askush nuk guxonte ta nxirrte prej andej.

Sipas dëshmitarëve Arjan Tasen, ka bërë gangsterin, pas masakrimit të të miturës me skaf.

Verifikimet në mjetin tip gomone 7 metra të gjatë me dy motor 300 kuaj fuqi kanë nxjerr në pah se mjeti ishte me dokumentacion të rregullt gjithashtu në të është gjetur edhe armë zjarri e llojit pistoletë, e cila ka qenë arma e shërbimit të ish-komisarit Tase.

Mjeti tip gomone është sekuestruar nga policia e Vlorës.

Gjithashtu janë sekuestruar edhe kamerat e sigurisë të bizneseve aty pranë.

Mbi Arjan Tasen tashmë rëndojnë akuzat e vrasjes nga pakujdesia, por pritet kqyrja e kamerave të sigurisë, teksa nëse vërtetohen dyshimet se ka tentuar të largohej nga vendi i ngjarjes apo është konfliktuar me familjarët dhe persona të tjerë mbi të pritet të rëndojnë edhe akuza të tjera./CNA.al





Lajmet e fundit nga