LEXO PA REKLAMA!

SHKARKO APP

Ekstradohen në Itali dhe Spanjë 3 shqiptarët e kërkuar ndërkombëtarisht

10 Shkurt 2024, 15:50, Kronika CNA

Ekstradohen në Itali dhe Spanjë 3 shqiptarët e kërkuar

Interpol Tirana ka ekstraduar 3 shtetas shqiptarë të kërkuar ndërkombëtarisht drejt Italisë dhe Spanjës.

Konkretisht në Itali u ekstraduan shtetasit me iniciale Sh. K. (D.), 41 vjeç dhe D. Gj., 23 vjeç. Ky I fundit, në muajin gusht të vitit 2023, në bashkëpunim me shtetas të tjerë, dyshohet se ka dhunuar dhe rrëmbyer, të rinj, për t’i grabitur;

Ndërkohë, 41-vjeçari dyshohet se ka vrarë me armë zjarri shqiptarin me iniciale E. K. në 18 gusht të 2022-it, në vendin e quajtur “Castelnuova val di Cecina”, në Piza.

Në Spanjë, u ekstradua shtetasi D. H. (H.) (J.), 34 vjeç.

Gjatë vitit 2023, si pjesëtar i një grupi kriminal, ai ka qenë implikuar në veprimtarinë e kultivimit të bimëve narkotike, në ambiente të mbyllura, nëpërmjet lidhjeve ilegale të energjisë elektrike. Grupit kriminal ku bënte pjesë 34-vjeçari, i janë sekuestruar 13 196 bimë narkotike cannabis sativa./ CNA

Lajmet e fundit nga