LEXO PA REKLAMA!

SHKARKO APP

Bilanc i zi nga krimi/ 3 viktima dhe 5 të plagosur në dy ditë

30 Mars 2023, 21:38, Kronika CNA

Bilanc i zi nga krimi/ 3 viktima dhe 5 të plagosur në dy ditë

Një bilanc i zi është regjistruar në vetëm dy ditë nga krimi në vendin tonë, ku ka pasur 3 viktima dhe 5 plagosje.

Nga një sherr i çastit te kryqëzimi i valutës, në Kavajë mbetën dy viktima ditën e djeshme Altin alias Sali Rexha dhe Edmond alias Armand Gosa, dy persona me precedentë penalë u zunë me njëri-tjetrin dhe sherri degjeneroi në përdorimin e armëve të ftohta.

Gosa goditi me thikë 43-vjeçarin Rexha, ndërsa ky i fundit e ka qëlluar me armë. Ata ndërruan jetë në spital.

Një krim tjetër gjatë së djeshmes ndodhi në Elbasan. Fillimisht u raportua për një plagosje me thikë, por vetëm pak minuta më pas policia doli me një njoftim zyrtar.

Blutë njoftuan se 33-vjeçari Sali Hajdari plagosi veten me thikë në zemër dhe humbi jetën në spital. Sipas tyre, 33-vjeçari dyshohet se vuante nga probleme të shëndetit mendor.

Po ashtu, mbrëmjen e djeshme u raportua për një sherr mes të rinjve në Komunën e Parisit, në Tiranë.

Pas konfliktit për motive të dobëta, 20-vjeçari me iniciale A. B. goditi me thikë 19-vjeçarin E.T. Ky i fundit u dërgua për ndihmë mjekësore në spital, ndërsa 20-vjeçari u shoqërua nga policia.

Me bilanc të rëndë vijoi edhe dita e sotme. Rreth orës 09:40 të mëngjesit, në lagjen "Selam Musai" të Tepelenës ndodhi një krim në familje.

Nga një konflikt i çastit, 42-vjeçari me iniciale L.N. goditi me thikë bashkëshorten e tij, 40-vjeçaren F.N., dhe më pas qëlloi veten. Burrë e grua u dërguan në spital për ndihmë mjekësore, por nuk dihet se si është gjendja e tyre shëndetësore.

Një tjetër sherr ndodhi sot në Paskuqan, në shkollën "Jashar Hoxha", ku u konfliktuan dy nxënës shkolle. Një 15-vjeçar goditi me thikë bashkëmoshatarin e tij, i cili si pasojë u dëmtua dhe ndodhet nën kujdesin e mjekëve. Ndërkohë autori i mitur u shoqërua në komisariat.

Por krimet nuk përfunojnë këtu. Rreth orës 17:20, në afërsi të varrezave të fshatit Ballagat, Lushnjë, u regjistruan disa të shtëna me armë. Si pasojë u plagos në këmbë 60-vjeçarja me iniciale B.S., 60 vjeçe, e cila ndodhet jashtë rrezikut për jetën.

Autori i të shtënave, i identifikuar si shtetasi me iniciale A.H. u largua nga vendngjarja dhe policia është vënë në kërkim të tij./ CNA.al

 

Lajmet e fundit nga