LEXO PA REKLAMA!

SHKARKO APP

Vranë njëri-tjetrin me thikë e armë/ Viktimat me precedentë penalë, rezultonin me dy emra

29 Mars 2023, 20:12, Kronika CNA

Vranë njëri-tjetrin me thikë e armë/ Viktimat me

Të tjera detaje kanë dalë në dritë nga ngjarja e rëndë në Kavajë, ku dy persona vranë njëri-tjetrin pas një sherri të çastit.

Viktima të ngjarjes mbetën shtetasit Altin Rexha dhe Edmond Gosa.

Por dy 43-vjeçarët nuk ishin emra të panjohur për policinë, pasi raportohet se janë me precedentë penalë të mëparshëm.

Policia bën të ditur se Rexha rezulton me dy emra, Altin dhe Sali.

“Nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Altin Rexha e ka ndryshuar emrin dhe në dokumente e ka Sali Rexha”, thuhet në njoftimin shtesë të policisë së Kavajës.

Jo vetëm Altin Rexha, por edhe Edmond Gosa sipas policisë ka ndryshuar emrin dhe në dokumente rezulton se e ka emrin Armand Gosa.

"Në vijim të informacionit të dhënë në lidhje me ngjarjen në Kavajë, ju informojmë se nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Edmond Gosa e ka ndryshuar emrin dhe në dokumente e ka Armand Gosa. Emrat i kanë ndërruar me gjendje civile", njofton policia./CNA.al

Lajmet e fundit nga