LEXO PA REKLAMA!

SHKARKO APP

Parlamenti i Ukrainës miraton Rustem Umerov-in si ministër të ri të Mbrojtjes

6 Shtator 2023, 12:44, Kosova & Bota CNA

Parlamenti i Ukrainës miraton Rustem Umerov-in si ministër të ri

Parlamenti i Ukrainës votoi të mërkurën për të miratuar emërimin e Rustem Umerov-it si ministrin e ri të Mbrojtjes të vendit, tha një ligjvënës.

Yaroslav Zheleznyak tha në "Telegram" se një shumicë dërrmuese e kishte mbështetur Umerov-in pasi ai u propozua për rolin nga Volodymyr Zelensky në tronditjen më të madhe të sektorit të mbrojtjes në Ukrainë gjatë kohës së luftës deri më tani, raporton "The Guardian".

Umerov është një anëtar drejtues i komunitetit tatar të Krimesë, i cili ka përfaqësuar vendin e tij në negociatat e ndjeshme me Rusinë.

Në një adresë video të dielën mbrëma, Zelensky emëroi Umerov-in si pasues të Oleksii Reznikov, i cili po largohej pas 22 muajsh në detyrë.

Emërimi i tij është një sinjal i qartë se Kievi është i vendosur të dëbojë Rusinë dhe forcat e saj okupuese nga Krimea, sugjerojnë burime të Ministrisë së Mbrojtjes. Disa nga aleatët perëndimorë të Ukrainës, përfshirë SHBA-në, janë privatisht skeptikë në lidhje me realizueshmërinë e kësaj ambicieje./ CNA

Lajmet e fundit nga