web counter
LEXO PA REKLAMA!

SHKARKO APP

App Store
Google Play

“Nuk ka filluar akoma të flasë laptopi”/ Berisha paralajmëron: PD do të publikojë të tjera fakte për farsën elektorale

2025-06-19 16:07:00, Politikë CNA

“Nuk ka filluar akoma të flasë laptopi”/ Berisha

Kreu i Partisë Demokratike, Sali Berisha, në një konferencë me gazetarët këtë të enjte paralajmëroi se PD-ja ka fakte të pafundme lidhur me atë që e cilëson si farsë elektorale të 11 majit.

Berisha u shpreh se në vijim do të publikohen të tjera dokumentime, teksa tha me humor se laptopi me prova nuk ka filluar akoma të flasë.  

“Unë ju falënderoj dhe vazhdojmë. Nesër lajm edhe më të veçantë. PD nuk lë akt dhe përpjekje pa bërë për t’u faktuar shqiptarëve se çfarë dhunimi të turpshëm u bëri Edi Rama votës së tyre. Se çfarë dhunimi dhe poshtërimi bëri ai me votën e tyre. Dëgjoj unë, jo Treni Bullgar kështu, jo Treni Bullgar ashtu.

Treni Bullgar është mekanizëm universal. Dy janë mekanizmat me fletën e votimit, Treni Bullgar dhe ai që përdor Putini që shpërndan fletën e votimit para votimeve dhe ata vijnë me fletë në xhep dhe votojnë Dhe këtu janë përdorur. Do shihni ju dokumentime.

Pastaj mos harroni se nuk ka filluar akoma me fol laptopi. Ajo që është e drejtë e juaj që të kërkoni fakte për të vërtetuar pretendimet. Kjo është shumë e drejtë. Por ne kemi fakte të pafundme!”,-tha Berisha./CNA





Lajmet e fundit nga