Mashtrimet e Erion Veliajt

2024-05-01 10:08:00, Politikë CNA

Erion Veliaj

Kreu i Bashkisë së Tiranës, Erion Veliaj, qëndroi dje 8 orë në SPAK, 1 orë në pritje te holli i godinës dhe 7 orë të tjera dha llogari para prokurorëve për aferat në Bashkinë e Tiranës.

Gjatë qëndrimit në SPAK atij i ra tensioni, pati momente që dridhej dhe zverdhej nga sikleti, pasi u përball me fakte dhe prova për aferën me inceneratorin e Tiranës, si dhe dosjen "5D", ku janë arrestuar një sërë drejtorësh të Bashkisë Tiranë, pra bashkëpunëtorët e Veliajt.

Lali Eri, mblidh pëllumbat!
1 Maj, 10:33

Pasi doli nga SPAK-u, Veliaj u përpoq të përcillte mesazhin sikur nuk kishte ndodhur gjë dhe se gjithçka kishte shkuar mirë. Ai nuk ngurroi të mashtronte para mediave dhe të gjithë shqiptarëve, duke vërtetuar edhe njëherë se ai është një mashtrues dhe manipulator i çdo lloj situate.

Gjithsesi, të gjithë e dimë se lali Eri gënjen dhe më poshtë do të rendisim disa prej "perlave" të tij.

Mashtrimi i parë

Veliaj ka dalë publikisht edhe ka thënë që nuk është thirrur nga SPAK-u dhe nuk ka ngurruar t'i quajë kolegë prokurorët e SPAK-ut dhe hetuesit e BKH-së.

Por në fakt, SPAK-u i ka dërguar Veliajt 3 fletëthirrje. CNA raportoi një ditë më parë se një nga fletëthirrjet e SPAK-ut, Erion Veliajt i ka shkuar më 23 prill me qëllim për t'u marrë në pyetje në lidhje me çështjen e inceneratorit të Tiranës. Veliaj u paraqit në SPAK vetëm një ditë më parë, më 30 prill.

Veliaj në SPAK

Mashtrimi i dytë

Kryebashkiaku tha në një nga studiot e një televizioni të paguar me paratë e inceneratorëve, se godinën ku ndodhet aktualisht SPAK-u, ia ka dhënë ai kësaj strukture, pra Bashkia e Tiranës.

"Ne jemi treguar bashkëpunues me SPAK-un, jo vetëm për çështje të dokumentacionit dhe mbarëvajtjes së hetimeve, por e kemi dëshmuar edhe me VKB, duke dhënë edhe prona të bashkisë për mbarëvajtjen e punës së SPAK-ut. Ju kujtoj se ish-ndërtesa e Ujësjellësit iu dhurua SPAK-ut nga Bashkia e Tiranës, që kolegët e BKH-së të punojnë në kushte njerëzore sepse s’mund të kesh një institucion, i cili duhet të përfaqësojë drejtësinë, që të ulen si në shkollat e Tiranës që gjeta unë para disa vitesh, me 5 veta në një zyrë dhe dosjet kapicë", tha Veliaj.

Por e vërteta është krejt ndryshe. Kjo godinë është dhënë nga Ministria e Drejtësisë dhe jo nga Bashkia e Tiranës.

Veliaj, si një investim i dështuar politik
1 Maj, 09:33

Manipulimi i dështuar

Pas daljes nga SPAK-u, Veliaj u soll si një person i llahtarisur nga provat dhe pyetjet e prokurorëve të SPAK-ut. Ai u shfaq para kamerave i sfilitur, i lodhur, edhe pse tha se kishte bashkëpunuar me "kolegët e tij", pra prokurorët e SPAK-ut. CNA raportoi dje se Veliaj kërkoi edhe kafe gjatë qëndrimit në SPAK, pasi i ra tensioni gjatë përballjes me prova dhe fakte.

Lali Eri kërkon të heqë vëmendjen nga skandalet që kanë pushtuar institucionin që ai drejton dhe nuk ngurron të sulmojë gazetarët dhe analistët. Sipas tij, këta të fundit e sulmojnë pa asnjë të drejtë./CNA