web counter
LEXO PA REKLAMA!

SHKARKO APP

App Store
Google Play

Fatmir Xhafaj me komisionin e vet, po kërkon të shpalli hajdutë gjithë administratën shtetërore

2024-08-06 14:54:00, Politikë CNA
Fatmir Xhafaj me komisionin e vet, po kërkon të shpalli hajdutë
Fatmir Xhafaj

Komisioni Xhafaj ka marrë pushimet! Pas mbledhjes së javës së fundit të korrikut, Xhafaj ka ndarë porositë dhe ka marrë pushimet. Takimet do të rifillojnë në shtator, kur Xhafaj të ketë hedhur në letër mënyrat se si do sigurojë pushtetin mbi administratën shtetërore dhe administratën e institucioneve të pavarura.

Kujtojme se pas vettingut të drejtësisë më të cilin Xhafaj synonte të kapte dhe vinte nën urdhëra magjistarët, Xhafaj ju vërsul policisë. Me nje proces të vjedhur në stil nga vettingu i drejtësisë, Xhafaj synonte kontrollimin personal të kupolës së policisë.

Dmth vëllai i Geronit dhe shoqërisë së Geronit, kishte në plan të kapte gjithë piramidën e policisë. Procesi dështoi sepse askush nuk kishte në plan të vihej nën urdhërat e vëllait të Geronit. Ai "treg" ka më të fortë sesa vëllai i Fatmirit!

Komisioni i vettingut të policisë, përfundoi punë pa nisur punë dhe të emëruarit nga Xhafaj në atë komisioni u kthyen nëpër pozicionet e mëparshme. Askush sot nuk përmend faturën të paktën të rrogave që morën anëtarët e asaj trupe, por kjo nuk e bën Fatmirin të ketë vrasje ndërgjegje ose me keq akoma të ketë turp.

Fatmur Xhafaj provoi të të kapte sistemin e drejtësisë, por tani sa herë bie fjala tek faji për arrestimet mes socialistësh, fajin nuk e ka Fatmiri. Me logjikën e ngjarjeve del se Fatmiri e paska kapur sistemin vetëm për hallin e vet personal por jo edhe për grupimin politik ku përfaqësohet. Fatmiri do që të tjereve t'u dalë tymi, por fijet e veta i përdor vetëm për bashkëpunëtorët e vet, si Lali Eri dhe për familjen e vet biologjike si dhëndrri i vet, i përfshirë po aq sa drejtorët e tjerë te Veliajt në aferat e lejeve të ndërtimit. (lexo këtu)

Fatmir Xhafaj nisi një proces spastrimi të Policisë me qëllimin e kapjes jo të katarsisit. Nëse do ish katarsis, atëherë reformatori vështirë se do quhej "Fatmir Xhafaj". Sot vettingu i policisë mori vetem dy-tre jetë policësh periferie. Të mjerët i kaploi dëshpërimi, kur panë formularët e Fatmir Xhafajt ku u kërkohej të deklaronin edhe sa pula kishin pasur në oborr. Akoma më keq kur krahasuan atë që u kërkonin atyre, me të vërtetat që dinin. Dhe diku, dikush mori edhe vendimin e vet duke i drejtuan kokës armën e shërbimit. Dhe e mbyllën me nder, me-nder-vettingun e Xhafajt.

Tani Zoti vetting-bërës, është zgjuar me ide të reja. Meqe SPAK-un nuk e kapi dot as me vetting e as me komision reformash, ka zgjedhur që ta kapi gjithë administratën duke shpikur vettingun e kësaj të fundit. Fatmir Xhafaj tani po kërkon që të gjithë anëtarët e organeve kushtetuese dhe atyre të krijuara me ligje të veçanta, të futen në vettingun e Fatmirit.

Të gjithë drejtorët e institucioneve të vartësisë te Ministrive, do futen tek Vettingu i Fatmirit. Tek vellai i Geronit!
Ligji antimafia është aty edhe per vëllain e Fatmirit, por Fatmiri është aty veç për të vettuar gjithë dynjanë. Ai vetë si ndërtues pallatesh nuk ka emër në letra dhe pallatet nuk ndërtohen nga drejtorët e Ministrive.

Fatmiri si pronar agroturizmi nuk ka emrin e vet në letra, sepse për këtë ka zgjedhur "komshiun" e vet të besuar, por ama Fatmiri është betuar t'i nxjerrë ujin e zi drejtorëve të Ramës? Si ata policët e mjerë edhe këta do duhet të kalojnë dilemën e atyre policëve të mjerë.

Nuk ka njeri që e njeh më mirë hajdutin me pushtet sesa nëpunësit e ministrive. Nuk ka ministri hajdute, ka minisra hajdutër.

Xhafaj me "vettingun" e vet të rradhës po kërkon që gjithë administraten ta shpalli fillimisht me ligj si administratë hajdutësh dhe pastaj t'i marri me rradhë dhe të vendosi cilët janë ata që e meritojnë që ai (Fatmiri) t'ja heqi njollën. Këtij projekti po i shërben sot Komisioni i Fatmir Xhafajt./CNA 





Lajmet e fundit nga