web counter
LEXO PA REKLAMA!

SHKARKO APP

App Store
Google Play

E fundit!

x

“Çfarë nuk të vret të bën më të fortë”/ Rama: Punonjësit e AKSHI-t do të kenë pagat më të larta në vend

2026-02-17 12:11:00, Aktualitet CNA

“Çfarë nuk të vret të bën më të

Kryeministri Edi Rama në prezantimin e kreut të ri të AKSHI-t, u shpreh se ky institucion duhet të vazhdojë punën e tij dhe shërbimin ndaj shqiptarëve njësoj, pavarësisht hetimeve të drejësisë.

Rama bëri me dije se më një ndërhyrje në legjislacion do të mundësojë rritjen e pagave për punonjësit e AKSHI-t, të cilat sipas tij do të jenë më të lartat në Shqipëri.  

"Nëse në botën tuaj dështimet janë fikje kompjuteri, në revolucion dështimet bëhen mbi jetën e njerëzve. Në këtë revolucion ne jetojmë një fazë ku nuk është prezumimi i pafajësisë ai që udhëheq këtë sistem demokratik, por është prezumimi i fajësisë. Ky është një element dramatik i këtij procesi. Nëse mbi AKSHI-n ka një hetim, të gjithë prezumohen të fajshëm dhe ju kërkohet të tregojnë. Ky është një moment i vështirë. Është e rëndësishme që ky insitucion të vazhdojë punën, dhe të jetë fari që orienton të gjithë lëvizjet e anijeve dhe tregon se ku është porti, përsa i përket revolucionit digjital. Kemi vendosur të ndërhyjmë në legjidslacion dhe të bëjmë një rritje të pagave tuaja për tju thënë që ju kemi të shtrenjtë dhe nuk duam ta braktisnit shërbimin public. Këtu jeni ju zot shpie dhe i shërbeni e lehtësoni jetën kaq shumë njerëzve. Ky është një moment për të qënë solidar dhe për të ndarë me thikë atë që është një çështje me të cilën do të merret drejtësia. Ndërkohë është momenti për të qenë një skuadër që shkon në të njëjtin drejtim. Nuk ka një rrugë tjetër për ta bërë këtë vend një vend ku pas 10-15 vitesh, drejtësia të jetë ajo që është në të gjitha vendet e BE-së. Linda e ka hapur derën e AKSHI-t dhe kishte një grusht shërbimesh jodomethenëse, ndërsa sot AKSHI ka përdorues gjithë shqiptarët brenda dhe jashtë përmes e-Albania. Është fatkeqësi që emri i AKSHI-t të njollose, por nuk është i pahetueshëm. Këtë se pretendojmë dot. NVIDIA është e gatshme të behet partnere me Diellën. Së shpejti do të shikoni që do të vijnë këtu një ekip iu tyre për të çuar Diellën në një nivel krejt tjetër. Nëse do të fikeshin dritat e kësaj shtëpia, Shqipëria do të kthehej në epokën e gurit. Do të punojmë me NVIDIA siç po punojmë me Microsoftin. Kam drejtuar një drejtues të lartë të Microsoft dhe ka shprehur vlerësime të jashtëzakonshem për ekipin tuaj. Në fund të jetës, çfarë nuk të vret të bën më të fortë. Jeni një nga gurët më të pazëvendësueshëm të mozaikut të shtetit shqiptar. Do të bëjmë që AKSHI të ketë pagat më të larta në Shqipëri", tha Rama. /CNA





Lajmet e fundit nga