web counter
LEXO PA REKLAMA!

SHKARKO APP

App Store
Google Play

Elisa e inceneratorëve harron abuzimet, del dhe flet për SPAK-un

2024-04-04 11:14:00, Politikë CNA
Elisa e inceneratorëve harron abuzimet, del dhe flet për SPAK-un
Elisa Spiropali

Ministrja e Shtetit për marrëdhëniet me Parlamentin, Elisa Spiropali, gjatë fjalës së saj në seancën plenare tha se opozita duhet t’i përgjigjet pyetjes nëse SPAK-u është organizatë kriminale, ndërsa akuzoi opozitën se është inkoherente me qëndrimet e saj.

Elisa e inceneratorëve u shpreh se opozita nuk i ka punët mirë me drejtësinë. 

"A është apo jo sipas jush, SPAK-u, organizatë kriminale? Me drejtësinë, ua ka zënë rrota bishtin dhe kokën. Ne bëmë Reformën në Drejtësi që ju nuk guxuat ta bëni. Akuzoni pa teklif. Jeni dhe të akuzuar dhe akuzues. Shkoni përgjigjuni për atë që viktimat tuaja ju kanë akuzuar. Nuk ju del e keqja e Shkodrës. Bëmë reformën që ju nuk guxuat ta bëni se drejtësia u shërbente tekave tuaja", u shpreh ajo. 

Por, Elisa e inceneratorëve bën sikur nuk kupton, pasi të vetët, socialistët, drejtuesit e fushatave të PS-së, kanë rënë në pranga dhe shumë të tjerë janë nën hetim për korrupsion dhe shpërdorim detyre. 

E famshmja Elisa bën sikur harron edhe lidhjet e Klodian Zotos me bashkëshortin e saj, matësit e famshëm të ujit, një histori që fillon me korrupsionin e matësve sa në Korçë, në Berat, në Lushnjë, në Fier, e kështu me radhë.

Sot ajo del dhe flet për SPAK-un dhe bën moral në Kuvend, ndërkohë që shumë zyrtarë të PS-së janë në sitën e SPAK-ut./CNA

 





Lajmet e fundit nga