Bujar Leskaj: Kur programet bëhen me “tigan e kazan”!

2022-11-04 22:01:00, Opinione CNA

Bujar Leskaj: Kur programet bëhen me “tigan e kazan”!

Deputeti Bujar Leskaj

Deputeti Bujar Leskaj ka publikuar një video nga komisioni i ekonomisë dhe ka shtruar disa pyetje për ministren Anila Denaj.

Leskaj i kërkon Denajt të bëjë një krahasim ndërmjet borxhit për frymë të qytetarëve shqiptarë në vitin 2013 dhe vitin 2022.

Kjo sepse sipas tij, borxhi për frymë i qytetarëve ndërmjet kësaj kohe është rritur me 80% për frymë.

Me anë të një statusi në rrjetet sociale, ai thekson se kjo gjë ka ndodhur pasi programet bëhen me “tigan e kazan”.

Statusi i plotë i Leskajt:

Kur programet bëhen me “tigan e kazan”!

1- Zonja ministre, a mund të më bëni një krahasim ndërmjet borxhit për frymë të qytetarëve shqiptarë në vitin 2013 dhe vitin 2022?

Dhe në rast se ky borxh për frymë i qytetarëve shqiptarë do të rezultojë në një rritje 80%, a nuk është ky një tregues i falsitetit të pretendimeve tuaja dhe të qeverisë për rritjen e mirëqenies së shqiptarëve?

2- Ju keni deklaruar këtu në buxhet uljen e borxhit publik për këtë vit në 67.5% dhe folët edhe për një eurobond që pritet të merrni, etj. Ne jemi në kohë krize dhe, jo vetëm ne, por është e gjithë bota. Siç kuptohet edhe interesat e eurobondit do të jenë edhe më të larta. Interesat e borxhit pritet të rritem rreth 20% më shumë se sa viti aktual, ose 61 miliardë lekë. Atëherë këto pritshmëritë tuaja për uljen e borxhit nuk ju duken tejet ambicioze, apo jenë pjesë e megamashtrimit që ju kenio ndërtuar nga 2013 e deri më sot?

Pasi në fillimet e 2013-2017 ju deklaronit që borxhi do të shkojë në 60% të PBB-së në programin që dolët me “kazan”. Edhe në programin 2017- 2021 bëtë të njëjtën gjë dhe, për çka mbani ju përgjegjësi tek programi i fundit i vitit 2021 ju e keni të shkruar, e zeza mbi të bardhë që synoni deri në fund të mandatit uljen e borxhit deri në 60% të PBB-së.

Sa besim mendoni ju se duhet të kenë qytetarët tek një qeveri që nuk i ka mbajtur premtimet e veta në këto 9 vite dhe premton sërish ulje borxhi?

3- Ne flasim për treguesit që jep ministria e financave, të cilat thonë se borxhi është 70% i PBB, ndërkohë që ne si opozitë dhe specialistë të tjerë themi se borxhi është 100% i PBB.

Këto detyrimet që ne shprehim se duhet t’i shtohen borxhit publik, qëndrojnë si detyrime dhe nëse i shtohen borxhit publik, a nuk shkon ky borxh në 100%?

Konkretisht flas për detyrimet e prapambetura që juve ju rezultojnë me një stok prej 15.5 miliardë lekë; detyrimet e akumuluara të Ndërmarrjes së Ujësjellës- Kanalizimeve, të cilat rezultojnë të jenë rret 21.9 miliardë lekë, detyrimet e tjera kontiogjente nga vendimet e arbitrazhit ndërkombëtar, të cilat shkojnë rreth 430 milionë euro dhe kanë tendencë rritjeje; detyrimet kontigjente për koncesionet e PPP, të cilat llogariten në 1.57 miliardë euro ose 13.7% e PBB-së; detarimet e ndërsjellta të ndërmarrjeve energjitike në vlerën 144 miliardë lekë. Pra, nëse këto shifra i shtohen borxhit, a nuk shkon borxhi 100%?

4- Një pyetje, e cila mund të konsiderohet retorike. A duhet të shqetësohemi ne për faktin se sa është fuqia ripaguese e vendit tonë? Sa të qëndrueshme janë rrjedhjet e ardhshme të parasë?/ B.A. - CNA.al