web counter
LEXO PA REKLAMA!

SHKARKO APP

App Store
Google Play

Shpërndante kokainë në disa zona të Tiranës/ Një prej të arrestuarëve djali i ish zyrtares së bashkisë së Shijakut

2023-08-31 14:21:00, Kronika CNA

Shpërndante kokainë në disa zona të Tiranës/ Një

Policia ka arrestuar ditën e sotme 3 shtetas në Tiranë, pasi u kapën në flagrancë me mbi 1 kilogram kokainë.

Përmes një njoftimi zyrtar blutë bënë me dije se shtetasit me inicialet R. D., 30 vjeç, A. D., 24 vjeç dhe G. M., 27 vjeç, shpërndanin lëndën narkotike në rrugën "Myslym Shyri", në Rrugën e Durrësit dhe në zonën e 21 Dhjetorit.

Pas këtij informacioni zyrtar nga policia, gazetarja Klodiana Lala ka raportuar se, shtetasi R.D, një prej të prangosurve është djali i ish nënkryetares së bashkisë së Shijakut, Shpresa Domi.

Domi shërbeu si nënkryetare e bashkisë së Shijakut deri në vitin 2018, ku u largua nga detyra dhe tani është pedagoge.

Policia nga verifikimet e kryera sqaroi se këta shtetas, në bashkëpunim me njëri-tjetrin, siguronin lëndë të dyshuar narkotike të llojit kokainë dhe më pas disa rrjete shpërndarësish e shpërndanin në rrugën "Myslym Shyri", në Rrugën e Durrësit dhe në zonën e 21-Dhjetorit.

Uniformat blu sekuestruan 1 kg e 52 gramë lëndë e dyshuar narkotike kokainë, 4 aparate celulare, 1400 euro dhe 78 900 lekë./ CNA

 





Lajmet e fundit nga