Përralla e radhës nga avokatët e Erion Veliajt

2025-11-02 19:14:00, Aktualitet CNA

Pesë ditë më parë, dy zyrat ligjore që përfaqësojnë ish-kryebashkiakun e arrestuar të Tiranës Erion Veliaj, publikuan një raport.

Të gjitha rrugët e inceneratorit të çojnë tek Erion Veliaj
8 Gusht, 10:33

Raporti i ri nga zyrat ligjore Kasowitz LLP me seli në Nju Jork dhe Mishcon de Reya LLP me seli në Londër, ndër të tjera shkruan edhe mbi të ashtuquajturin kujdes të treguar nga Veliaj lidhur me mjedisin dhe përmirësimin e jetesës.

“Nën udhëheqjen e Kryetarit Veliaj, Tirana ka parë reforma të rëndësishme në infrastrukturë, punë publike dhe zbatimin e ligjit. Për shembull, ai ka prezantuar disa nisma për qëndrueshmëri, duke përfshirë krijimin e hapësirave të gjelbra (duke përfshirë një projekt për mbjelljen e miliona pemëve), promovimin e opsioneve të transportit miqësor ndaj mjedisit, ditët "pa makina" dhe një projekt për të zvogëluar përdorimin e qeseve plastike. Ai gjithashtu ka mbikëqyrur projekte që përmirësojnë jetesën dhe estetikën e Tiranës, duke përfshirë rinovimin e Sheshit Skënderbej si një zonë publike miqësore për këmbësorët, përmirësimin e infrastrukturës bashkiake, trotuareve dhe shtigjeve të biçikletave, si dhe ndërtimin e kopshteve dhe këndeve të lojërave të reja. Ai ka inkurajuar dhe rritur transparencën dhe llogaridhënien në qeverisjen vendore, duke përfshirë krijimin e një aplikacioni që përmban një bazë të dhënash të punëve dhe shërbimeve publike - e para e këtij lloji në Shqipëri. Këto projekte, ndër të tjera, kanë rigjallëruar Tiranën...”,-shkruhet në raport.

Ky ‘kujdes’ i madh nuk është gjë tjetër veçse gënjeshtra e radhës nga avokatët e Erion Veliajt.

Përralla e radhës nga avokatët e Erion Veliajt

Pjesa e raportit ku shkruhet për mjedisin

Është pikërisht Veliaj ai që i kërkoi qeverisë ndërtimin e një inceneratori për djegien e mbetjeve për kryeqytetin.

Në Tiranë ka ndodhur rasti më i madh i korrupsionit, teksa janë paguar 128 milionë euro për një incenerator që nuk ekziston.

Erion Veliaj dhe "pafajësia" për inceneratorin e Tiranës
30 Shtator, 15:16

Në Tiranë ka vetëm një gropë të madhe që nuk djeg vetëm plehrat, por edhe miliona euro të marra nga taksat e shqiptarëve.

Edhe pse i përfshirë në këtë aferë, nuk ka ende një akuzë për inceneratorin e Tiranës ndaj Erion Veliajt, i cili ndodhet në Burgun e Durrësit me 13 akuza për vepra të rënda penale.

Faktet/ Pse Veliaj nuk akuzohet për inceneratorin e Tiranës?
23 Maj, 14:58

I gjithë përshkrimi i bërë lidhur me punën e Veliajt për kujdesin për mjedisin nuk është gjë tjetër veçse një sajesë e radhës nga avokatët e Erion Veliajt, që përdorin teknikalitete për të gënjyer publikisht, ndërkohë që e vërteta është krejt ndryshe./CNA