web counter
LEXO PA REKLAMA!

SHKARKO APP

App Store
Google Play

Ledio Braho votoi si përfaqësues i PL në KAS, a na e lexon dot Roland Bejko shpjegimin e asaj vote?

2023-09-06 14:48:00, Aktualitet CNA

Ledio Braho votoi si përfaqësues i PL në KAS, a na e lexon dot

Këshilli i Ankesave dhe Sanksioneve është detyruar nga Kolegji Zgjedhor, të rimarrë në shqyrtim çështjen e ndarjes së komisionerëve dhe numëruesve në komisionet zonale të zgjedhjeve në Bashkinë Kukës.

Çështja ju rikthye KAS-it për shqyrtim nga Kolegji Zgjedhor, pasi KAS me shumicë votash kishte vendosur më parë të mos legjitimonte PD-në e Bashës si subjekt me të drejta ankimimi.

Ankimimi kishte lidhje me vendimin e Komisionerit Shtetëror të zgjedhjeve që i jepte PL të drejtat e caktimit të Komisionerëve.

Votat e Ledio Brahos, Koli Beles dhe Elvis Cefës në favor të PL së Ilir Metës, për moslegjitimimin e PD si subjekt ankimor, shtynë vendimmarrjen e KAS.

Ledio Braho votoi si përfaqësues i PL në KAS, a na e lexon dot

KAS pritet të rimarrë në shqyrtim çështjen dhe të dalë me vendim në favor apo kundra PL të Ilir Metës.

Përveç votës pro PL, të Koli Beles, bën përshtypje vota pro PL e Ledio Brahos i cili është emëruar në KAS si njeri i Lulzim Bashës.

Lulzim Basha tentoi promovimin e Ledio Brahos në postin e Avokatit të Popullit por siç u duk Basha nuk arriti të bindë maxhorancën për kandidaturën e avancuar prej tij.

Votimi i Ledio Brahos në favor të PL të Ilir Metës besohet se është porosi e Lulzim Bashës.

Mbase Roland Bejko do ketë më shumë arsye të investigojë për sa po ndodh në KAS, sa kohë që jo më larg se dje deklaroi se jep dorëheqjen nëse gjendet ndonje bashkëpunim i fshehtë i Lulzim Bashës me opozitën që Bejko e quan "opozita e non-gratave".

Versioni tjetër është ai sipas të cilit është vetë Ledio Braho që po gjen zgjidhjet e veta pragmatiste në gjullurdinë e numrave që ka ngërthyer opozitën.

Ndonëse nuk duket si opsion shumë dinjitoz për bashkëpunëtorin Ledio Braho të Lulzim Bashës, ky version të paktën do shpëtonte bashkëpunëtorin Roland Bejko nga dorëheqja.

Luli ka mundësinë të zgjedhë kë do të shpëtojë. Nëse flet do dëgjojmë ç'do na thotë.

Nëse hesht, mirëpresim dorëheqjen e Zotit Bejko./ CNA





Lajmet e fundit nga