web counter
LEXO PA REKLAMA!

SHKARKO APP

App Store
Google Play

Ledio Braho i KAS: Vendimi për pavlefshmëri të zgjedhjeve kërkon 4 vota pro

18 Maj 2021, 19:33, Politikë CNA

Ledio Braho, anëtar i Komisionit të Sanksioneve dhe Ankesave thotë se deri tani KAS ka rrëzuar tri kërkesa të bërë nga LSI dhe PD për të administruar prova që sipas tyre do të faktonin manipulimin e zgjedhjeve parlamentare të 25 prillit.

Sipas z. Braho neni 137 i Kodit Zgjedhor u jep mundësi palëve që KAS të administrojë prova që palët nuk janë në gjendje t?i sigurojnë dhe vendimi mund të merret me shumicë nga pesë anëtarët e KAS.

Por për të shpallur pavlefshmërinë e një qarku të caktuar siç kanë kërkuar PD dhe LSI, ligji parashikon që vendimi merret vetëm me katër vota pro.

?Për pavlefshmëri të zgjedhjeve duhen 4 vota pro, nuk mjafton një votimi 3 me 2?, tha z. Braho.

Ai thotë se partitë kanë paraqitur disa prova dhe kërkojnë që KAS të mundësojnë sigurimin e provave të tjera pasi kishin vetëm 5 ditë kohë për të ankimuar rezultatin dhe kjo kohë nuk mjaftonte për të siguruar prova.

Kandidati i LSI për Qarkun e Beratit, Ardit Çela pretendon se në shumë qendra votimi ka mos përputhje shifrash.

Sipas tij nëse KAS do të marrë një vendim të pandikuar politik, atëherë LSI do të duhet të marrë një mandat në Berat.

?Nga këqyrja rezultojnë shkelje dhe mospërputhje të rënda. Në shumë kuti votimi ka më shumë vota nga procesverbali. Janë hapur 24 qendra votimi dhe ka mospërputhje të mëdha?, deklaroi ai.

Greta Meta, Shoqata për Kulturë Demokratike thotë se ka vërejtur që deri tani LSI ka paraqitur prova ndërsa PD ka më shumë perëndime të përgjithshme./ Euronews Albania





Lajmet e fundit nga