web counter
LEXO PA REKLAMA!

SHKARKO APP

App Store
Google Play

Kadilli përballë Bashës/ “Lufta ime është asimetrike, fiton superioriteti moral”

18 Maj 2021, 19:48, Politikë CNA

I vetëshpallur kandidat për kreun e PD Fatbardh Kadilli ka komentuar dështimet e Lulzim Bashës ku kërkon largimin e tij. I ftuar në emisionin ? A Show?, ai u shpreh se Basha e ka konceptuar opozitën për 8 vjet duke përdorur çdo mjet. Sipas tij, Basha duhet të dalë të pranojë humbjen dhe të thotë humba po iki.

?Një lider e ka konceptuar opozitën për 8 vjet, e ka konceptuar garën ka organizuar dhe përdorur të gjithë mjetet e garës dhe duhet ta dinte se çfarë ka në kuti. Unë e dija para se të ndodhte, ai nuk e dinte. Një lider i vërtetë nuk ka nevojë për analizë dhe nuk fshihet pas analizës. Duhen dy minuta për të dalë për të folur, të shtrëngojë kravatën, të krehë flokët dhe të dalë të thotë, humba po iki?, u shpreh Kadilli.

I pyetur se çfarë do të ndodhë nëse e humb kandidaturën për kreun e PD Kadilli u shpreh se ai do të vazhdojë në këtë parti si më parë. Kadilli shtoi se përballë Bashës ai është i dobët në forcën e mjeteve ku thekson se asimetra në favor të tij është superioriteti moral.

?Unë jam njeriu më i duruar që ka ajo parti. Kam marrë mësimet dhe në 30 vjet kam mbajtur shënim çdo sukses dhe dështim. Lufta ime atje është asimetrike. Përballë Bashës jam i dobët në forcën e mjeteve por kam asimetrinë tjetër në avantazh superioritet moral. Është asimetri tjetër në favorin tim dhe kjo do të fitojë?, shtoi Kadilli./ CNA.al





Lajmet e fundit nga