Kafazi i vërtetë i Erion Veliajt

2025-12-07 17:32:00, Aktualitet CNA

Kryebashkiaku i arrestuar i Tiranës, Erion Veliaj duket se po vijon me strategjinë e tij të ulët për të tjetërsuar situatën e tij përballë drejtësisë, gjë që e bën jo vetëm vetë personalisht, por edhe përmes mediave të tij të kapura.

Pse gazetarët e pushtetit nuk i kërkojnë dorëheqjen Erion Veliajt
4 Dhjetor, 16:43

Një episod i ri nga absurditetet e Erion Veliajt u shpreh në seancën paraprake të zhvilluar më datë 5 dhjetor në Gjykatën e Posaçme.

I mbyturi të mbyt/ Veliaj mban peng biznesmenët në gjykim
4 Dhjetor, 17:50

Ndër të tjera, Veliaj mësohet të ketë thënë se i krijon ‘bezdi’ kafazi brenda të cilit vendosen të pandehurit në sallë.

“Para pak ditësh unë kam qenë i pranishëm në Gjykatën Kushtetuese, gjykatën më të lartë të vendit dhe aty kam qenë i ulur, jo i mbyllur në kafaz. Nuk pati asnjë shqetësim, asnjë incident, asnjë arsye sigurie. Nëse gjykata më e lartë e Republikës së Shqipërisë ka vlerësuar se unë mund të paraqitem i lirë dhe me dinjitet para saj, është e pakuptimtë që në një gjykatë më të ulët të paraqitem si kërcënim për rendin publik”,-raportohet të jetë shprehur Veliaj në Gjykatë.

Sipas Erion Veliajt, nuk ka kuptim që të vendoset në kafaz duke u paraqitur si kërcënim për rendin publik, por mbase ka “harruar” se një përcaktim i tillë përdoret për individë që kanë detyra në shërbimin publik, që ndër të tjera kanë abuzuar me autoritetin dhe kanë keqpërdorur detyrën a pushtetin.

Dhe Veliaj nuk është mjaftuar me kaq, por ka vijuar më tej, deri në kërcënim ndaj gjykatave dhe prokurorëve, por edhe mashtrim të opinionit publik.

Si po kërcënon Erion Veliaj gjykatën dhe po mashtron opinionin publik
15 Nëntor, 16:17

Ndërsa halli i Erion Veliajt na qënkësh ‘kafazi’ në sallën e gjyqit?!

Ndoshta nuk duhet të çuditemi nga ky absurd, edhe pse është fare e qartë se Erion Veliaj ndodhet në Burgun e Durrësit që prej muajit shkurt, pasi mbi të rëndojnë 13 akuza për vepra të rënda penale, si pastrim parash, mosdeklarim pasurie, korrupsion pasiv në 9 episode, shpërdorim detyre si dhe futje të sendeve të ndaluara në qeli.

Erion Veliaj, fati i tij “shpresë dhe marrëzi”
23 Shtator, 11:24

Qartazi, Erion Veliaj tregon se i trembet përballjes me faktet, provat dhe mbi të gjitha me drejtësinë dhe një proces të rregullt ligjor, duke përdorur taktika e duke bërë deklarata e lëvizje “mashtruese”, edhe pse ai vetë është i bindur se do të dënohet./CNA