web counter
LEXO PA REKLAMA!

SHKARKO APP

App Store
Google Play

E fundit!

x

Beqaj, i pakënaqur me akuzën e Kondilit/ “Unë kurseva para”

2024-03-18 08:47:00, Aktualitet CNA
Beqaj, i pakënaqur me akuzën e Kondilit/ “Unë kurseva
Ish-ministri i Shëndetësisë, Ilir Beqaj

Ish-ministri i Shëndetësisë, Ilir Beqaj shprehu pakënaqësi për akuzën e ngritur nga prokurori Edvin Kondili në lidhje me koncesionin e sterilizimit.

Pas daljes nga SPAK, Beqaj tha se prokuroria në 50 muaj nuk hetoi dy elementët kryesorë të procesit për Sterilizimin, uljen e përdorimit të antibiotikëve dhe uljen e ditëve të qëndrimit në spital.

Ai pretendoi se gjatë kohës që ka qenë ministër janë kursyer para.

“Përfundoi hetimi dhe u mora si i pandehur për shpërdorim detyre, në bashkëpunim. SPAK duhet ta kishte nisur vlerësimin e punës time me përmbushjen e ligjit dhe kushtetues, pasi garantimin e kujdesit shëndetësor nga veriu jug për qytetarët, e kam pasur detyrim dhe mision. Të përdorësh me eficensë fondet e shtetit, është detyrë . Por për një ministër Shëndetësie, është detyrë kryesore të shkurtosh harxhimet. SPAK në 50 muaj nuk ia doli që të hetojë dy çështje që ka Sterilizimi. Uljen e ditëve të qëndrimit të pacientëve në spital, dhe uljen e ditëve të marrjes së antibiotikut në spital. Nëse do të kishin bërë këtë vlerësim, konvertimi i këtyre kursimeve në para, do ta nxjerrë një proces në përfitim për financat publike dhe për xhepat e qytetarëve. Kjo do të thotë që mos ta kesh kuptuar se çfarë ke hetuar.

SPAK nuk e mori fare mundimin që të hetonte këtë gjë. Kisha detyrim që ta vë në punë sterilizimin. Shqiptarët janë operuar në kushte të sigurta. Prokurorët nuk ishin në gjendje që të bënin dy vlerësime, vlera e parasë dhe si është materializuar ndarja publik-shqiptar. Ua dhamë me koncesion Sterilizimin që t’u shërbenim më mirë shqiptarëve. Të vërtetën time do ta përballoj në gjykatë ku do dalë e vërteta e përfitimit që ka përfituar çdo shqiptar”, tha ish-ministri.

Beqajt sot iu komunikua akuza për shpërdorim detyre./ CNA





Lajmet e fundit nga