web counter
LEXO PA REKLAMA!

SHKARKO APP

App Store
Google Play

E fundit!

x

E nëse në shtator Manja bëhet Kryetar Komisioni dhe Xhafaj Ministër, ku duhet diskutuar Kodi Penal?

4 Gusht 2025, 17:29, Editorial CNA

E nëse në shtator Manja bëhet Kryetar Komisioni dhe Xhafaj

"Hartimi i Kodit të ri Penal"
Ky është togfjalëshi që nëse e klikon sot, të përplasen në fytyrë lloj-lloj emrash që flasin për temën, shumë prej të cilëve nuk kanë asnjë lidhje me lëndën.

Kur e dëgjon pastaj edhe nga ca moderatorë që bëjnë pyetjen "ç'mendim keni për Kodin e ri Penal", atëherë mund të ndodhë që të behesh edhe kurioz e të nisësh të klikosh se mos kupton diçka.

Në fakt debati është shterpë, sa kohë që në fund të ditës bëhet fjalë për një material pune fillestar.

Ky material i publikuar së fundmi në faqen zyrtare të Ministrisë së Drejtësise, është vetëm teksti i parë i cili është hedhur për njohje dhe më pas siç ndodh me çdo projekt, do futet për diskutim.Shumëçka nga ai draft do t'i nënshtrohet rishikimit dhe ndryshimit dhe ky është procesi që shoqëron si rutinë çdo projektligj.

Atëherë çfarë ka të tmerrshme në lançimin publik që i bëri draftit Ulsi Manja? Si ministër Drejtësisë kujt më shumë sesa atij i takonte që ta bënte?

E pastaj pse Sadushi dhe Çela vrapuan të thoshin (duke gënjyer), që nuk dinin gjë.

Me hartimin e draftit janë marrë një listë me profesionistë të sistemit dhe pranë sistemit, që të marrë me rradhë të rezultojnë të gjithë si njerëz të Fatmir Xhafajt.
Hedhja në media e hipotezave ndaj opozitës nëse opozita do më mirë të ulet me Fatmir Xhafajn (që kërkon t'i bjerë SPAK-ut), apo do marrë këtë Kodin e Ulsiut, në rastin më të logjikshëm po kërkon që Fatmiri dhe jo Ulsiu të merret me shqyrtimin e draftit.

Mes gjithë akuzave, duket sikur Ministri aktual që ka prezantuar draftin e Kodit Penal nuk është i Ministrisë së Drejtësisë, por i Kulturës. Dhe të gjithë qenkan habitur se si ja lejoi vetes Ulsiu që të merret me Kodin Penal!

Vetëm se harrohet një detaj. Në shtator gjithçka do ketë emër tjetër.
Po sikur Ulsiu të jetë Kryetar i Komisionit të Ligjeve dhe Fatmir Xhafaj të bëhet Ministër Drejtësie?
Apo atëherë do u duhet Ministri i Drejtësisë e askush tjetër!





Lajmet e fundit nga