LEXO PA REKLAMA!

SHKARKO APP

Zbardhet kontrata/ Si e paguante kompania e inceneratorëve agjencinë turistike

26 Mars 2024, 11:42, Denoncim CNA

Zbardhet kontrata/ Si e paguante kompania e inceneratorëve agjencinë

Drejtuesi politik i PD-së në Tiranë, Belind Këlliçi, ka publikuar kontratën noteriale mes kompanisë së inceneratorëve dhe agjencisë turistike “One Explorer”.

Këlliçi ka denoncuar se në 7 dhjetor të vitit 2021, vetëm 6 ditë përpara se të firmosej urdhër-arresti për Klodian Zoton, kompania "ITS" sh.p.k. firmos një deklaratë noteriale me kompaninë “ONE EXPLORER”.

Sipas kontratës, "ITS" i jep hua “ONE EXPLORER” shumën e 150.000 eurove.

Ndër të tjera, Këlliçi ka ngritur pikëpyetje se përse janë transferuar këto para.

“Deri më sot SPAK-u ka heshtur dhe nuk ka bërë asnjë hetim në lidhje me këtë aferë të re që përfshin këtë të ashtuquajtur agjenci turistike, por denoncimi ynë nuk ndalet me kaq.

Në datën 7 dhjetor 2021, vetëm 6 ditë përpara se të firmosej urdhër-arresti për Klodian Zoton, kompania 'ITS' sh.p.k. firmos një deklaratë noteriale me kompaninë 'ONE EXPLORER'.

Sipas kësaj kontrate noteriale që e shihni në ekran, 'ITS' i jep hua 'ONE EXPLORER' shumën e 150.000 eurove.

Për çfarë po i transferonte këto para Klodian Zoto te kjo kompani vetëm 6 ditë përpara se të arratisej?

Mos ndoshta për charter-in e radhës?

Mos ndoshta për pagesa që lidhen me kompanitë 'offshore'?

Sigurisht të gjitha këto transaksione bëheshin nën hundën e SPAK-ut, i cili nën presionin e Erion Veliajt, nuk tentoi kurrë të ndjekë paratë e buxhetit të shtetit, pasi nuk ka leje apo miratim për të prekur paratë e pronarit faktik të inceneratorit të Tiranës, paratë e korrupsionit të Erion Veliajt.

Personalisht dhe në emër të Grupit të Ekspertëve në PD, garantoj qytetarët se kam marrë angazhimin e plotë që kjo skemë korruptive do të zbardhet deri në fund”, tha Këlliçi./ CNA

Lajmet e fundit nga