Stop/ Sherr mes komshinjve, 5 muaj s’lejohet nga fqinji të ndërtojë shtëpinë

2 Shkurt 2024, 23:00, Denoncim CNA

Stop/ Sherr mes komshinjve, 5 muaj s’lejohet nga fqinji të

Në emisionin “Stop” në Tv Klan, është trajtuar rasti i një qytetari nga Laçi, Kolë Pashës, të cilit iu dëmtua shtëpia nga tërmeti i 26 nëntorit dhe për këtë arsye del ds4 (për rindërtim) nga Instituti i Ndërtimit dhe nga Bashkia Laç. Qytetari nis punimet me këtë leje, por e stopon sepse komshiu, Nikoll Pasha, i është bërë pengesë.

Gazetarja: Kjo shtëpia e dëmtuar nga tërmeti i 26 nëntorit dhe për këtë arsye Bashkia e Laçit, bashkë me Institutin e Ndërtimit, e kanë cilësuar këtë shtëpi, si shtëpi të pabanueshme. Dhe për këtë arsye, sipas vlerësimit është ds4, për rindërtim. Zotërisë i është miratuar fondi, ku ti ke përfituar 60 për qind saj.

Kolë Pasha: 13 milionë lekë.

Gazetarja: Ndërkohë kësti i dytë, kur thuhet?

Kolë Pasha: Mbasi të bëhet çatia e shtëpisë së re, më kanë thënë do të të kalojmë pjesën tjetër.

Gazetarja: Pyetja ime është, gjatë kësaj kohe, domethënë nga nëntori i 2019-s e deri më sot, ti ku ke jetuar?

Kolë Pasha: Unë kam jetuar me qira, nëpër objektet që kam gjetur.

Gazetarja: Derisa të ndërtosh banesën tënde. Gjatë kësaj kohe ke përfituar bonos qiraje?

Kolë Pasha: Deri në shkurt të 2022-shit.

Gazetarja: Përse është ndërprerë pastaj?

Kolë Pasha: Atëherë nuk e di, nuk më dhanë shpjegime.

Gazetarja: Sepse presupozohet që pas 3 vitesh, ti zotëri, me këtë 60 për qindëshin për rindërtim të banesës tënde, presupozohet që ti të jesh futur në shtëpi, apo jo?

Kolë Pasha: Pikërisht pra, duhet të ishim stabilizuar, por në fakt nuk është kështu.

Gazetarja: Pse s’je futur në shtëpi ti?

Kolë Pasha: S’jam futur në shtëpi për arsye sepse më është bërë komshiu pengesë për të kaluar mjetet e punës.

Kolë Pasha prej 5 muajsh nuk lejohet nga komshiu për të ndërtuar shtëpinë. Ky i fundit i zë rrugën, duke qenë se është pronë-shtet. Kanë bërë debate të forta duke përfunduar edhe në polici.

Kolë Pasha iu drejtua Bashkisë, bashkë me IMT dhe INUK-un u prish, por fqinji i tij e ringriti përsëri rrethimin. Qytetari kërkon ndihmë nga “Stop” për këtë rast.

Gazetarja: Pra ti Kolë po më thua që punimet e shtëpisë tënde kanë ndaluar thjesht për komshiun, se zapton rrugën?

Kolë Pasha: Po.

Gazetarja: Tani pyetja ime është, si ka mundësi në momentin që kjo është një pronë-shtet, si e zapton ky zotëria?

Kolë Pasha: S’e di si e ka zaptuar.

Gazetarja: Tani, mua këtu më bën përshtypje, duke qenë se ky ka vënë dhe këtë rrethimin. Këtu tani duken dhe gjurmët e një ndërtimi. Çfarë ka qenë kjo këtu?

Kolë Pasha: Kjo ka qenë një ndërtesë. Banjë, banjë e jashtme.

Gazetarja: Ka qenë me dokumentacion?

Kolë Pasha: Asnjë lloj dokumentacioni nuk ka.

Gazetarja: Por kush e ka shembur?

Kolë Pasha: INUK-u.

Gazetarja: Komshiu jot që quhet?

Kolë Pasha: Nikoll Pasha.

Gazetarja: Duhet ta vendosë rrethimin?

Kolë Pasha: Përtej kësaj ndërtesës që ka prishur INUK-u.

Gazetarja: Në qoftë se kjo mund të realizohet?

Kolë Pasha: Atëherë mjeti mund të futet. /tvklan