web counter
LEXO PA REKLAMA!

SHKARKO APP

App Store
Google Play

E fundit!

x

Plas në QKB/ Drejtoresha, “luftë” me stafin

29 Janar 2024, 10:55, Denoncim CNA
Plas në QKB/ Drejtoresha, “luftë” me stafin
Qendra Kombëtare e Biznesit (QKB)

Iris Ago, drejtoresha e komanduar e QKB-së, ka filluar një “luftë” me stafin e institucionit që drejton.

Ago është e emëruar si drejtuese e Drejtorisë së Regjistrave dhe Analizës në QKB, por ushtron edhe funksionin e drejtoreshës të institucionit.

Burime nga QKB i thanë CNA-së se drejtoresha kërkon që t’i marrë punonjësit në një provim me shkrim, kur nuk e ka këtë të drejtë ligjore. Ajo ka avancuar duke shpallur dhe datën kur “zyshë” Irisi do të fusë në provim “nxënësit” e saj.

Provimi me shkrim në fakt është kompetencë e Departamentit të Administratës Publike (DAP), për të gjithë ata që marrin status nëpunësi civil, apo faza e provimit me shkrim kalohet në momentin e punësimit.

Plas në QKB/ Drejtoresha, “luftë” me stafin
Iris Ago, drejtoresha e komanduar e QKB-së

Megjithatë, drejtoresha, për qejf të saj, për shkak të inateve dhe përplasjeve që ka me stafin (duke qenë se qëndron në nivel profesional poshtë shumicës së tyre) , “lufton” me stafin duke u ushtruar presion të shkojnë deri në veprime të paarsyeshme.

Drejtoresha sillet si juriste kur në fakt nuk është e tillë. Duke qenë se ka përplasje me stafin për zbatimin e ligjit, ndërkohë që kërkon që punët të bëhen siç do vetë, ka vendosur që t’i nxjerrë në një provim me shkrim dhe më pas këtë testim ta përdorë sipas interesave të saj.

Të njëjtat burime bënë të ditur për CNA se Iris Ago ka caktuar edhe datën e provimit. Konkretisht provimi do të mbahet në orën 10:00 të 31 janarit.

Drejtoresha do që t’i vlerësojë punonjësit siç do vetë dhe ka një zë që nuk i zbaton urdhrat e saj edhe të paligjshme, të marrë masa apo t’ia keqpërdorë këtë provim të paligjshëm si çekan mbi kokë.

Plas në QKB/ Drejtoresha, “luftë” me stafin
QKB

Në këtë “luftë”, ajo ka në krah edhe dy “bashkëpunëtoret” e saj, Tea Qosen, e cila është sekretarja e saj te Drejtoria e Regjistrave dhe Analizës, si dhe Edita Papadhopullin. Kjo e fundit është emëruar te Drejtoria e Tatimeve, por është deleguar në institucionin e QKB-së si sekretare e Agos.

Në fakt, QKB-ja nuk është shkollë 8-vjeçare, ku të bëjnë test sa ke mësuar në një semestër, apo një provim në universitet, ku del dhe jep lëndët.

Në rast se stafi ka shkelje ligjore, ka masa të përcaktuara me rregullore dhe me ligj jo me provime që s’i njeh askush.

Drejtoresha nuk mund të bëjë provim sipas qejfit, të vijë në mëngjes dhe të sillet si mësuese apo pedagoge e ashpër, hajde mblidhuni të bëjmë një provim se kështu mendoj unë.

Në fakt mirë do ishte që në provim të hynte edhe vetë drejtoresha sepse ndoshta s’do ta kalonte dot klasën, ose do dilte shumë më keq se stafi i QKB-së.

Kjo është “lufta” që ka nisur në QKB dhe stafin profesionist të institucionit, nuk është si makina e institucionit që drejtoresha e parkon në shtëpi se mos i vjedhin karburantin rojet./ CNA





Lajmet e fundit nga