LEXO PA REKLAMA!

SHKARKO APP

Lidhjet e korrupsionit/ Deputeti i opozitës së “kërpëratave” pagoi takimin me senatorin Menendez

25 Janar 2024, 08:31, Denoncim CNA

Lidhjet e korrupsionit/ Deputeti i opozitës së

Senatori amerikan, Bob Menendez, është përfshirë në një skandal për ndërhyrjet e tij në emër të qeverisë egjiptiane dhe të Katarit, të cilat prokurorët amerikanë pretendojnë se i bëri në këmbim të ryshfetit.

Por teksa në SHBA po zhvillohet një hetim, mediat amerikane vijojnë të nxjerrin fakte, të cilat thellojnë korrupsionin dhe arrijnë deri në Shqipëri.

Në skandalin e Menendez përfshihet Korab Lita, i cili pranoi dhe mbajti mandatin e deputetit në vitin 2019, kur opozita vendosi të djegë mandatet.

Takimi i Korab Litës

Në shtator të 2019-ës, disa muaj pasi ishte bërë deputet, Korab Lita zhvillloi një takim me senatorin amerikan dhe më pas publikoi një foto në rrjetet e tij sociale, ku deklaronte se kishte marrë “bekimin” amerikan për reformën zgjedhore në Shqipëri.

The Daily Beast” tregon se si u mundësua ky takim. Sipas medias amerikane, ndërmjetësi ishte vëllai biznesmen i ish-deputetit të listave të Lulzim Bashës, i cili kishte paguar senatorin për takimin.

Vlen të përmendim se gjatë kontrollit të banesës së senatorit Bob Menendez janë zbuluar qindra mijëra dollarë të fshehura në mobiljet e shtëpisë, bizhuteri të shtrenjta dhe disa lingota ari që ishin dhuratë nga biznesmenët.

Lidhjet e korrupsionit/ Deputeti i opozitës së

Pra, duke qenë se opozita reale kishte ikur nga parlamenti, opozita parlamentare apo siç njihet ndryshe “opozita e kërpëratave”, e cila u vu në shërbim të mazhorancës, po kërkonte legjitimitet dhe takimi me Menendez bëri me “krahë” Litën, ndonëse ishte i paguar nga vëllai.

Pagesat e Litës për Menendez

Normalisht skandali nuk kishte si të përfundonte këtu.

“The Daily Beast” shkruan se Lita dhe familjarët e tij që jetojnë në SHBA kanë mbështetur fuqimisht Menendez gjatë fushatës elektorale, por edhe në 5 vitet e fundit.

Në rastin e Litës, shumë prej donacioneve kanë kaluar përmes Komitetit të Çështjeve Politike Shqiptaro-Amerikane, dhe senatori amerikan ka grumbulluar donacione me vlerë maksimale prej 5,000 dollarësh duke filluar nga viti 2021.

Lidhjet e korrupsionit/ Deputeti i opozitës së

Komiteti Shqiptaro-Amerikan i Çështjeve Publike është një degë e Lidhjes Qytetare Shqiptaro-Amerikane jofitimprurëse. Kjo lidhje është financuar për dy dekada nga Lita.

Lidhjet e vëllait të ish-deputetit

Gjithashtu, media amerikane shkruan se Gazmend “Gus” Lita, vëllai i deputetit shqiptar, ishte partner në biznes me miqtë e senatorit amerikan.

Gazment Lita është hetuar nga drejtësia amerikane për drejtimin e një baze të lojërave të fatit në emër të krimit shqiptar.

Sipas dokumenteve të gjykatës amerikane, ai ka pranuar se është fajtor në vitin 2022, ndërsa avokatët mbrojtës kanë deklaruar se Lita kishte rol që kërkonte udhëtime të shumta ndërkombëtare.

Ata nuk pranuan t’u përgjigjen pyetjeve të dërguara me e-mail nga “The Daily Beast”.

Ndër të tjera, kjo media thekson se në një dosje të vitit 2023 në lidhje me dënimin e tij me kusht, Lita kërkoi leje për të udhëtuar në vendlindjen e tij në Shqipëri për të vizituar familjen.

Biznesmeni deklaroi se kishte në plan të qëndronte me vëllain e tij, Korab Lita./ CNA

Lidhjet e korrupsionit/ Deputeti i opozitës së

Lajmet e fundit nga