web counter
LEXO PA REKLAMA!

SHKARKO APP

App Store
Google Play

E fundit!

x

Hajdutëritë e RTSH-së që shkojnë deri në SPAK

7 Janar 2025, 13:34, Denoncim CNA

Hajdutëritë e RTSH-së që shkojnë deri në SPAK

Rreth 20 milionë dollarë në vit është buxheti i Radio Televizionit Publik Shqiptar.

Me një strukturë ndoshta shumë të fryrë prej dekadash, e kthyer në agjendë qokash, RTSH fatkeqësisht është një media me një audiencë minimale që e paguajnë xhepat e qytetarëve në faturën e tyre, e kanë të përmuajshme.

Televizioni, i cili fatkeqësisht nuk u bë i tillë. KLSH ka zbuluar me dhjetëra shkelje, dokumente pafund abuzimesh, anëtarë të Këshillit Drejtues që marrin fonde pasi i ushtrojnë presion drejtuesit të institucionit për miratimin e buxheteve të ndryshme.

CNA e ka treguar me fakte së fundi se si Leka Bungo, kryetari i Këshillit Drejtues, përfitonte para për skenarë në emisionin e fundvitit.

Hajdutëritë e RTSH-së që shkojnë deri në SPAK
Kontrata mes Alfred Pezës dhe Leka Bungos
Hajdutëritë e RTSH-së që shkojnë deri në SPAK
Kontrata mes Alfred Pezës dhe Leka Bungos

Festivale me skandale me qindra milionë lekë para të zhdukura, që nuk dihen se ku kanë shkuar, në fakt RTSH duhet të jetë subjekt i SPAK-ut një orë e më parë, jo për dëmet ekonomike të shkaktuara nga një drejtor apo ish-drejtor se ka hequr disa njerëz nga puna, por për një institucion që është kthyer në një varrezë mediatike e mbuluar me paratë e qytetarëve shqiptarë, të cilët në fakt hyjnë në xhepat e shumë prej drejtuesve të këshillit apo vetë drejtorëve të institucionit.

Askush deri më tani nuk ka bërë një reformë të plotë në RTSH, televizionin publik me shumë kanale që nuk e sheh askush, ku paguhen njerëz që rrinë kot dhe punojnë më shumë ata që paguhen më pak, kur disa personazhe marrin dhjetëra miliona lekë rrogë, kurse të tjerët aq sa të mos mbyllin dot muajin.

Kjo është RTSH-ja e sotme, e grabitur prej dekadash, e cila ka nevojë, në fakt, për një hetim të mirë, të shpejtë dhe të fortë nga SPAK-u, për ta shkundur dhe për ta çuar këtë institucion në një reformë tjetër të nevojshme dhe jo për ta lënë në televizionin e qokave, të vjedhur ditë e natë nga korrupsioni, të grabitur nga pazaret, duke e kthyer më shumë sesa televizionin publik të shqiptarëve në median publike të grabitur për interes të xhepave të drejtuesve./ CNA





Lajmet e fundit nga