LEXO PA REKLAMA!

SHKARKO APP

Leka Bungo dhe Alfred Peza fshehin abuzimet në RTSH

22 Shkurt 2024, 15:52, Denoncim CNA
Leka Bungo dhe Alfred Peza fshehin abuzimet në RTSH
Leka Bungo dhe Alfred Peza

Është sikletosur, mërzitur dhe shqetësuar, shoku Leka Bungo, pensionisti i shquar, i talentuar, i miri, i mbari, i urti që drejton Këshillin e RTSH-së.

Njeriu që ka ndryshuar 3 drejtorë, me të parin u mërzit, se nuk i jepte naftë sa duhet, më të dytin se i hoqi shoferin, me të tretin po kalon periudhë dashurie. I nxirte materialet në media dhe krenohej se e futoi ne burg Thoma Gëllcin, dikur përplasje me Jotin më pas tani ka gjetur rehat. "dashuri në pleqëri". Vetëm të gjejë paqe shpirti i Lekës që mos i trazohet me kurrizot e të shkuarës.

Ndoshta këto dashuritë me “kapterë” i ka qejf zoti Bungo.

Ne në CNA i urojmë "dashuri të mbarë" por kemi dërguar dy dokumente zyrtare, një drejtuar Këshillit Drejtues të RTSH-së, zotit Leka Bungo dhe zotit Alfred Peza. Ndoshta u prishëm qetësinë dhe ngrohtësinë që u erdhi pasi festivali në RTSH shkoi mbi 650 milionë. 

Leka Bungo dhe Alfred Peza fshehin abuzimet në RTSH
Leka Bungo dhe Alfred Peza

Në të dy drejtimet, kërkesat kanë një përcaktim, sa janë fondet dhe si janë shpenzuar paratë e shqiptarëve për Festivalin e RTSH-së dhe se ka kushtuar ky festival? Pyetja e dytë është sa janë pagesat e drejtave të transmetimit, a ka ky televizion publik apo jo?

Se çfarë patën e tak fak në sulm. Kërcyen nga belaja, që ende nuk i ka zënë dhe çudi e madhe. Po t'i qëndrojmë thelbit.

Në rastin e parë, nga një denoncim i ardhur në CNA, thuhet se festivali ka kushtuar mbi 650 milionë lekë, kur një vit më parë ka kushtuar rreth 500 milionë lekë. Kërkesa ka qenë për rreth 730 milionë lekë nga zoti Peza, Këshilli i Leka Bungos i ka miratuar 650 milionë, pas disa "negociatave".

Leka Bungo dhe Alfred Peza fshehin abuzimet në RTSH
Radio Televizioni Shqiptar

Nga ana tjetër, sipas një informacioni tjetër, thuhet se të Drejtat e Transmetimit që ka RTSH nuk paguhen por vidhen dhe vidhen 24 orë në 24. Dhe këtë kur e bën një media publike, e cila merr miliona euro nga taksat e shqiptarëve dhe hapur ligji ka marrë fund. 

Vjedhje shtetërore zyrtarisht nga RTSH-ja me dijeninë e Leka Bungos dhe Alfred Pezës.

Këto qenë dy dyshimet tona, për të cilat ne nuk raportuam, por çuam shkresë zyrtare në RTSH.

I çuam shkresën e parë Leka Bungos, nuk ktheu përgjigje, i çuam shkresë Alfred Pezës nuk ktheu përgjigje, i çuam shkresën e dytë Leka Bungos, nuk ktheu përgjigje, i çuam shkresën e tretë Leka Bungos, nuk ktheu përgjigje.

Alfred Peza na ktheu një përgjigje që ne e kemi publikuar pak ditë më parë ku thotë nuk ju japim informacion, sepse ka vendosur Bordi ndryshe a është transparente apo është private, biznes privat.

Ne bëmë një shkresë ku thamë ju lutemi na jepni informacion sepse nuk është një biznes privat, nuk janë të drejta biznesi, por është një media publike e paguar nga taksat e shqiptarëve.

Fakti që nuk na jepni këto të dhëna dhe i fshihni, ngre dyshime se aty ka abuzime.

Leka Bungo dhe Alfred Peza fshehin abuzimet në RTSH
Leka Bungo

Si gjithmonë, siç na ka ndodhur me historitë e inceneratorëve, me ministrat hajdutë të Ramës e kështu me radhë, në vend që të na jepnin përgjigje për dokumentet, sulmojnë gazetarët, merren me shpifje dhe fyerje, por nuk ke ç’u bën se gjejnë metoda të shpëtojnë, por disa gjera me moshë janë. 

Dikush kur kalon edhe moshën, edhe i falen se nuk do ia dëgjosh një p*rdhë më shumë një plaku, përkundrazi atij i duhet dhënë kurajë të vazhdojë të marrë frymë edhe pse me një mëhallë me sëmundje, edhe pse me probleme, të ketë jetë sa më të gjatë, të rrojë sa më shumë, por një problem është i madh. Mendorja është një gjë thelbësore dhe në një institucion publik me taksat e shqiptarëve nuk bën dot çfarë të duash as ti Leka Bungo, as ju zoti Alfred Peza. Dhe abuzimet në bashkëpunim janë ku e ku me ato të Thoma Gëllçit. Faktet dhe provat do ja fillojmë vënçe çdo ditë.

Leka Bungo dhe Alfred Peza fshehin abuzimet në RTSH
Alfred Peza

Mund të sulmoni, të shani gazetarë, i fyeni, bëni çfarë të doni. Pushka top. 

Por ne si CNA u kemi bërë dy pyetje këtë kemi hall edhe njëherë po ua bëjmë publikisht:

Sa janë fondet e përdorura për RTSH-në dhe si janë zërat që janë përdorur?

Pasi në informacionet tona është shtuar afërsisht më shumë se 30% vlera e kostos totale të RTSH-së.

Pyetja e dytë: Sa janë të Drejtat e Transmetimit dhe a vjedh RTSH të Drejtat e Transmetimit? Këto janë dy pyetjet tona, ju vazhdoni shani, fyeni, shpifni pa asnjë problem, mund ta bëni edhe mbi moshën 80 vjeç dhe nën moshën 80 vjeç. Nuk ka asnjë shqetësim nga ana jonë.

Ne do të vazhdojmë të drejtojmë pyetjet tona që i keni më sipër dhe e dyta, në momentin që ju nuk na ktheni përgjigje, kemi të gjitha dyshimet e arsyeshme se atje ka një hajdutëri në bashkëpunim, se kreu i Këshillit Drejtues në bashkëpunim me drejtorin nuk japin informacion në lidhje se me çfarë ndodh në RTSH, e cila në fakt do të ishte 100% transparente në faqen zyrtare të këtij televizioni që paguhet nga taksat e qytetarëve shqiptarë dhe nga taksat tona si gazetarë.

Ne me të gjitha epitetet që ju na vini, vetëm se e keni për detyrë ligjore në bazë të nenit 23 pika 1 dhe 2 e Kushtetutës, në bazë të Ligjit për të Drejtën e Informimit të na jepni informacion dhe zoti Alfred Peza e di shumë mirë këtë, ashtu sikundër duhet t’ia mësojë veteranit Leka Bungo, i cili me apo shall në qafë, tashmë në moshën që ka i falen të gjitha dhe nuk ka moshë për burg, por kush i ka dalë për zot që të përballet në SPAK me abuzimet në RTSH dhe me vjedhjet që po ndodhin me të gjitha dyshimet që ne kemi, rruga e mbarë i qoftë. Nuk ka vajzë në vetting dhe Rilindje që të mbron nga vjedhja në bashkëpunim. Njëri mund të kalojë ditët me makthe si para do kohësh në Korçë, tjetri mjafton të kujtojë hallet kur i doli 1 miliardshi që të paktë të reflektojnë, punë e tyre kjo.

Nuk po merremi me ata që kanë kaluar Vettingun duke paguar miliona, as me ata që kanë pasuri milionerësh dhe u kanë mohuar bukën fëmijëve, por po kërkojmë transparencë nga RTSH që është ligjore dhe e drejtë. Të tjerat pa ndalim do dalin rrugës.

U premtojnë se do ta çojmë deri në fund investigimin dhe nuk do të ndalemi përballë asnjë sulmi, përballë asnjë ndërhyrjeje, deri në zbardhjen e së vërtetës, çfarë ndodh me fondet që paguhen nga taksat e shqiptarëve në RTSH, të cilat po bëhen rrush e kumbulla nga Alfred Peza në bashkëpunim me Leka Bungon.

Krimi në bashkëpunim ndëshkohet më shumë se veprat e tjera sipas ligjit. Të shpresojmë që mos ketë as vjedhje dhe as bashkëpunëtorë, deri tani kemi fshehje dokumentash, panik dhe "dashuri" mes dy alamet burrash. PSE VALLË?/CNA 

 

Lajmet e fundit nga