LEXO PA REKLAMA!

SHKARKO APP

Denoncimi i fortë/ Bashkia e Kukësit nuk ka naftë, lë fshatrat të bllokuara nga bora

26 Nëntor 2023, 20:08, Denoncim CNA

Denoncimi i fortë/ Bashkia e Kukësit nuk ka naftë, lë

Bashkia e Kukësit nuk ka naftë! Kështu është shprehur këtë të dielë këshilltari i PSD-së, Astrit Cengu, në një status në rrjetet sociale.

Cengu denoncon se Bashkia nuk po merr masa për situatën emergjente në disa fshatra, ku banorët janë bllokuar nga bora.

Për më tepër, ai pretendon se një person ka ndërruar jetë si pasojë e neglizhencës së bashkisë.

“Duke u bashkuar me shqetësimin e shumë qytetarëve më të qytetëruar se ato që ngrohin karrigen kot. Ku në disa fshatra akoma janë të bllokuara nga dëbora dhe si kryetar i komisionit të Emegjencave Civile në këshillin bashkiak u bëj thirrje: Prefekturës, Këshillit të Qarkut, dhe Bashkisë pa naftë, të marrin masa urgjente. Një njeri vdiq nga neglizhenca juaj pasi rruga ishte e bllokuar, çfarë doni të prisni, të bëhen shumë e pastaj të zgjoheni nga gjumi? Ju jeni përgjegjësit kryesorë. Në fakt, po merrni me tenderin e emërimeve të drejtorëve, leku po ju verbon. Pas një viti jeni në zgjedhje dhe mos ju drejtoni më popullit tuaj. Jeni drejtues që për fat të keq po mbuloni paturpësitë e njëri-tjetrit. Haram besimin që dha ky popull”, shkruan anëtari i këshillit bashkiak të Kukësit./ CNA

Denoncimi i fortë/ Bashkia e Kukësit nuk ka naftë, lë

Lajmet e fundit nga