E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Nga Braho te Mara dhe Nakuçi/ Gazetari: Ja prokurorët që kanë punësuar familjarët në administratë

13 Nëntor 2023, 18:32, Denoncim CNA

Nga Braho te Mara dhe Nakuçi/ Gazetari: Ja prokurorët që

Gazetari Elvi Fundo

CNA ka nisur një investigim për prokurorët dhe gjyqtarët që kanë punësuar familjarët e tyre në institucionet shtetërore shqiptare dhe mund të bien në konflikt interesi me dosjet që hetojnë.

Marrë shkas nga ky investigim, gazetari Elvi Fundo ka treguar emrat e disa prej prokurorëve që kanë punësuar familjarë të tyre në administratë.

Skandali-Familjarët e prokurorëve të SPAK strehohen në Bashkinë e Tiranës dhe institucionet publike
11 Nëntor, 13:53

Fundo përmendi Vladimir Marën dhe Eneid Nakuçin dhe Klodian Brahon. Ky i fundit, sipas tij, ka punësuar bashkëshorten e tij në Bashkinë e Tiranës.

“Zoti Klodian Braho ka të punësuar bashkëshorten në Bashkinë e Tiranës, ne ia kemi çuar pyetjet zotit Braho, por ai nuk na është përgjigjur ende. Apo prokurorë të tjerë si Vladimir Mara, Eneid Nakuçi. Gjyqtarë, të cilët rezultojnë se të kenë familjarët e tyre, motra, vëllezër, nipa, mbesa të punësuar në institucionet shtetërore shqiptare. Pra, ne kemi të gjithë prokurorët që i kanë familjarët të punësuar, por jo në rastet kur kanë konfliktet e interesit”, tha në një lidhje me Sonila Meçon.

Më tej, gazetari u ndal te Braho, ku deklaroi se mund të ketë një konflikt të mundshëm interesi në çështjen e kullës së kompanisë “Arlis” në qendër të Tiranës me 7 kate pa leje.

Pse nisi investigimi i CNA për familjarët e prokurorëve dhe gjyqtarëve të punësuar në administratë
13 Nëntor, 18:10

Gjithashtu, ai hodhi hije dyshimi edhe për hetimet e bëra nga Klodian Braho për inceneratorin e Elbasanit.

“Ajo që dua të theksoj është fakti se edhe me prokurorin Klodian Braho, që ne i kemi dërguar sot pyetjet në lidhje me një konflikt të mundshëm interesi. Në dijeninë time lidhet edhe me atë godinën e madhe në qendër të kryeqytetit, që akush nuk e pa se po ndërtonte 7 kate pa leje, megjithëse ishte me 30-40 kate nga ‘Arlis ndërtim’. Ka dhe një objekt të blerë.

Por edhe nga ana tjetër edhe me faktin se duhet të jetë Klodian Braho, i cili duhet të hetojë këta drejtorët e bashkisë, Mariglen Qaton, Taulant Tushen e të tjerë. Është edhe prokuror tek inceneratori i Elbasanit, por siç e pamë hetimi për mua ka qenë mjaft i ngadaltë dhe njerëzit e inceneratorëve kanë pasur dijeni të hetimit. Të gjithë ikën”, nënvizoi Fundo./ CNA