Si gënjeu Erion Veliaj për njohjen me njerëzit e inceneratorëve

10 Nëntor 2023, 15:12, Denoncim CNA

Si gënjeu Erion Veliaj për njohjen me njerëzit e

Kryebashkiaku i Tiranës, Erion Veliaj

Në komisionin hetimor për inceneratorët të mbajtur rreth 1 vit më parë, konkretisht në 22 shkurt 2022, kryebashkiaku i Tiranës, Erion Veliaj, mohoi të ketë njohje me “kokat” e inceneratorëve, Mirel Mërtirin dhe Klodian Zoton.

Veliaj tha se Mërtirin dhe Zoton i njeh vetëm përmes fotografive dhe lajmeve në media për udhëtimet me Gert Bogdanin e Partisë Demokratike.

“Nuk i njoh pronarët e inceneratorëve”/ Veliaj: Pyesni në hetuesi, sa i përfshirë jam
24 Shtator, 09:00

“Klodian Zoton dhe Mirel Mërtirin i kam parë në fotografi me Gert Bogdanin që ka qenë në atë kohë drejtues i marrëdhënie me jashtë në PD. Nuk kam bërë asnjë udhëtim, por jam informuar nga portalet dhe për udhëtimin e tyre në Zimbabve me zyrtarë të Partisë Demokratike. Nuk kam kryer asnjë udhëtim apo komunikim. Siç thashë, jam njohur nga mediat vetëm për udhëtimet e këtyre personazheve me drejtuesin e marrëdhënieve me Jashtë të PD-së në Zimbabve. Pra, nëse kjo quhet njohje, i njoh vetëm nëpërmjet medias për udhëtimin e zyrtarit të PD-së për kontratën në Zimbabve”, u shpreh kryebashkiaku i Tiranës asokohe.

Por, këtë të premte janë publikuar disa mesazhe dhe foto që zbulojnë mashtrimin e kryebashkiakut të Tiranës, Erion Veliaj.

Berisha nxjerr mesazhet tronditëse që akuzojnë Veliajn/ Mërtiri dhe Zoto flasin për çerdhet e Tiranës
10 Nëntor, 12:25

Mesazhet dhe fotot janë zbuluar nga grupi i ekspertëve të Partisë Demokratike dhe u nxorën nga ish-kryeministri Sali Berisha gjatë konferencës së përjavshme me gazetarët.

Në foto shihet Veliaj krah Giuseppe Ciaffaglione-s, një prej aksionerëve kyresorë të inceneratorit të Tiranës, i cili nuk ekziston, edhe pse janë paguar 110 milionë euro.

Fotoja është e datës 28 shtator të 2019-ës dhe kryebashkiaku i Tiranës, së bashku me Ciaffaglione-n kanë inauguruar çerdhen nr. 34 në Kombinat, të financuar nga njerëzit e inceneratorëve.

Ndërkohë, mesazhet tregojnë komunikimet mes njerëzve të inceneratorëve, Mirel Mërtirit dhe Klodian Zotos, të cilët duket janë zhgënjyer nga Veliaj, pasi ky i fundit kishte fshehur financimin e tyre dhe ndërtimin e çerdhes e kishte shitur si punë të tijën.

Zbardhet biseda mes Zotos dhe Mërtirit/ Çuditen për “pabesinë” e Veliajt
10 Nëntor, 14:11

Kjo foto dhe këto mesazhe tregojnë qartë se Veliaj gënjeu publikisht shqiptarët. Ndonëse kryebashkiaku i Tiranës tha se në vitin 2022 se nuk i njeh njerëzit e inceneratorëve, faktohet se ai ka pasur njohje me ta që në vitin 2019.

Edhe njëherë tjetër kryebashkiaku Veliaj del në skemën e aferës 110 milionë euro në inceneratorin e Tiranës.

Ky është një tjetër fakt për SPAK dhe organet e drejtësisë, në lidhje me aferën e inceneratorëve, kokat e saj dhe politikanët e përfshirë në vjedhjen e shekullit./ CNA