web counter
LEXO PA REKLAMA!

SHKARKO APP

App Store
Google Play

KLSH zbulon skandalin/ Drejtori i FSDKSH-së ul pagat e punonjësve, merr vendim jashtë kompetencave

2 Nëntor 2023, 21:34, Denoncim CNA

KLSH zbulon skandalin/ Drejtori i FSDKSH-së ul pagat e punonjësve,

Kontrolli i Lartë i Shtetit, ka kryer një auditim në Fondin e Sigurimit të Detyrueshëm të Kujdesit Shëndetësor, ku ka kapur me shkelje drejtorin e këtij institucioni.

Nga auditimi për vitet 2019-2020, ka rezultuar se drejtori i asaj periudhe, ka ulur pagat e punonjësve të FSDKSH-së të çdo pozicioni.

Sipas KLSH-së, duke tejkaluar kompetencat, ka ulur pagat e punonjësve duke i çuar ato në paga minimale.

Kjo pasi kompetencat për nivelin e pagave të punonjësve i përkasin Këshillit të Administrimit.

“Në Rregulloren e miratuar, Kreu 5 “Rregullorja e burimeve njerëzore”, Kreu XI “Pagat”, pika 6, janë miratuar raportet e pagës bazë të çdo klase, me klasën më të ulët. Miratimit i këtyre raporteve në këtë rregullore nga Drejtori i Përgjithshëm, është kryer në tejkalim kompetencave, për arsye se niveli i pagave miratohet nga KA.

Për më tepër, gjatë miratimit të këtyre niveleve, për kategorinë II-3, Kategoria C/1, niveli 6, për Degët e FSDKSH (faqe 30), raporti i përcaktuar është 1.89, ndërsa sipas Vendimit të KA nr. 60, datë 17.07.2017 “Për disa ndryshime në rregulloren e personelit të FSDKSH, për këtë kategori, raporti është 1.98, duke ulur 9 pikë përqindje raportin e në mënyrë të tërthortë duke ulur pagën e punonjësve të kësaj kategorie pa të drejtë”, thotë KLSH.

Një tjetër shkelje e gjetur nga KLSH është e punësimi i 19 personave, arsimi i të cilëve nuk përshtatet me pozicionin që mbajtën.

“Për 19 poste pune për vitin 2019 dhe për 11 poste pune për vitin 2020, nuk është përcaktuar specialiteti i kërkuar, por si specialitet është përcaktuar “Arsimi i Lartë”, pa përcaktuar se çfarë profesioni duhet të kenë këta punonjës, ekonomist, mjek, farmacist, jurist apo ndonjë profesion tjetër, duke lënë hapësirë për rekrutimin e punonjësve me specialitete jo të përshtatshme për aktivitetin që kryen Fondi”, theksohet në raport.





Lajmet e fundit nga