E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Veliaj nuk përballet me drejtësinë/ Fshihet pas padive qesharake

29 Janar 2026, 13:12, Aktualitet CNA

Kryebashkiaku i arrestuar i Tiranës, Erion Veliaj, ka paditur prokurorin e posaçëm, Ols Dado, në Gjykatën Administrative. Gjykata Administrative mund ta thërrasë dhe ai mund të paraqitet, megjithëse kjo padi përbën një idiotësi juridike.

Padia nuk ka asnjë bazë ligjore edhe juristi më fillestar do të thoshte se bëhet fjalë për injorancë juridike dhe mungesë legjitimiteti. Megjithatë, fakt është që Veliaj e ka depozituar këtë padi në Gjykatën Administrative.

Veliaj kundër drejtësisë/ Depoziton padi për shkarkimin e prokurorit që e heton
23 Janar, 09:47

Ndërkohë, që nga korriku 2025, ai nuk shkon në Gjykatën Penale për t’u përballur me 13 akuzat e rënda penale ndaj tij. Heq avokatë, ankohet për furgonin e Drejtorisë së Burgjeve që nuk i shkon në kohë dhe përdor justifikime nga më të ndryshmet për të shmangur procesin penal.

Erion Veliaj nuk do që të gjykohet
19 Janar, 19:40

Ai që nuk përballet me akuzat penale dhe deklaron se “nuk ka çështje ndaj meje”, duke pretenduar njëkohësisht se mbahet në burg pa vendim gjykate, në vend që të dalë përballë drejtësisë, zgjedh të hapë një proces administrativ ku kërkon të shkojë e të paraqitet pa problem.

Pse për gjyqin administrativ që e ka hapur vetë si “injorant juridik” mund të shkojë në seancë, të legjitimohet dhe ta ndjekë procesin, ndërsa për procesin penal në GJKKO nuk shkon të përballet me Ols Dadon, por gjen hile dhe justifikime për të mos qenë në seancë?

Pse Erion Veliaj kërkon konflikt me prokurorin Ols Dado
24 Janar, 15:22

Ka hyrë muaji i shtatë që Erion Veliaj ka akuza në gjykatë dhe nuk përballet me to. Ndërkohë, ndërton skema dhe skenarë me mendjen e tij të neveritshme, që nisin me sulme ndaj drejtësisë dhe përfundojnë në padi qesharake./CNA